fbpx

اسلام آباد پولیس کی بڑی کاروائی، گینگ گرفتار کر لیا گیا۔

ایس پی انڈسٹریل ایریا لیاقت حیات نیازی کی ہدایت پر تھانہ نون پولیس نے بڑی کارروائی کی۔ خطرناک چور گروہ کے تین ملزمان کو گرفتار کرلیا گیا۔ ملزمان میں ملک سہیل زمان، حسنین خورشید اور خواجہ محمد امین شامل ہیں۔ ملزمان کے قبضے سے لاکھوں روپے مالیت کی قیمتی گھڑیاں، قیمتی پرفیومز، ملکی اور غیر ملکی کرنسی اور قیمتی پلاٹوں کی فائلیں برآمد کرلی گئیں۔ کارروائی ڈی ایس پی مبارک علی کی زیرنگرانی ایس ایچ او نون اشتیاق شاہ، اے ایس آئی محمد عارف معہ جوانوں نے کی۔ ملزمان نے ایک دوہری شہریت کے حامل پاکستانی شہری فدا جمال کے گھر میں چوری کی واردات کی تھی۔ ملزمان غیر ملکی پلٹ پاکستانی شہریوں کے ساتھ تعلقات بناتے تھے اور موقع دیکھتے ہی گھر کو خالی پاکر لوٹ لیتے تھے۔ ڈی آئی جی آپریشنز افضال احمد کوثر اور ایس ایس پی آپریشنز اسلام آباد ڈاکٹر سید مصطفی تنویر نے پولیس ٹیم کی بہترین کارکردگی پر انعامات کا اعلان بھی کیا ہے۔

جواب چھوڑیں

آپ کا ای میل ایڈریس شائع نہیں کیا جائے گا.