تل ابیب :رواں ہفتے اسرائیل میں دنیا کے پہلے زیر زمین ‘راکٹ پروف‘ بلڈ بینک کا افتتاح کر دیا گیا ہے جبکہ باقاعدہ خدمات کا آغاز اس سال کے اواخر میں کیا جائے گا۔
باغی ٹی وی : اسرائیلی اخبار دی یروشلم پوسٹ کے مطابق میگن ڈیوڈ ایڈم (ایم ڈی اے) نامی طبی تنظیم نے اپنے ایک بیان میں اسرائیلی صدر آئزک ہرزوگ کا حوالہ دیتے ہوئے کہا ہے کہ ایک مکمل اجنبی شخص سے خون کے عطیے جیسے انمول تحفے کا حصول اس بات کی واضح یاد دہانی ہے کہ ہم تمام انسانیت کی ایک جیتی جاگتی اور سانس لیتی لڑی کا حصہ ہیں، جسے اس شاندار مرکز کے ذریعے تحفظ فراہم کیا گیا ہے۔
امریکا میں ہیپاٹائٹس کا پراسرار حملہ،5 بچے ہلاک،100 سے زائد بیمار
مارکس نیشنل بلڈ سروسز سینٹرایم ڈی اے کو خون کے عطیات کو محفوظ بنانے کے لیے اس طرز پر ڈیزائن کیا گیا ہے، جس سے وہ میزائل، کیمیائی و حیاتیاتی حملوں اور زلزلوں سےمحفوظ رہ سکےاس بلڈ بینک کی عمارت چھ منزلہ ہےجن میں سے تین زیر زمین ہیں اس کی تعمیر پر ایک سو پینتیس ملین یورو کاخرچ آیا ہےجو ایم ڈی اے کی ایک دوست امریکی تنظیم نے برداشت کیا ہے اس مرکز میں خون کے پانچ لاکھ عطیات محفوظ کرنے کی گنجائش موجود ہے۔
خون عطیہ کرنے والے اس نئے مرکز کی دیواروں پر خاص طور سے سیمنٹ کی موٹی تہہ موجود ہے اس کے علاوہ حیاتیاتی حملے کی صورت میں بچاؤ کے لیے متعدد دیگر حفاظتی اقدامات بھی اٹھائے گئے ہیں۔
رپورٹ کے مطابق ماضی میں میزائل حملوں کی وجہ سے ہنگامی طبی امداد مہیا کرنے والوں کو خون کے عطیات کی ترسیل میں مسائل کا سامنا کرنا پڑا تھا اور ایسی صورتحال میں خون کے عطیات کو محفوظ مقام پر منتقل کیا جاتا تھا-
ایم ڈی اے کے ترجمان کے مطابق مارکس نیشنل بلڈ سروسز سینٹر جنگ اور امن کے دور میں لاکھوں زندگیاں بچانے کا باعث بنے گا۔
