جاپان کا عمران خان سے وعدہ :3 لاکھ 40 ہزار پاکستانیوں کیلئے ملازمتوں کا اعلان

اسلام آباد: جاپان کا عمران خان سے وعدہ :3 لاکھ 40 ہزار پاکستانیوں کیلئے ملازمتوں کا اعلان،اطلاعات کےمطابق جاپان نے 3 لاکھ 40 ہزار پاکستانیوں کیلئے ملازمتوں کا اعلان کر دیا، چیئرمین پوئپا سرفراز ظہور چیمہ کا کہنا ہے کہ ہنرمند اور نیم ہنرمند پاکستانیوں کی جاپان کیلئے بھرتی کا جلد آغاز ہوگا۔جاپان نے یہ اعلان عمران خان کے مشیرخاص ذلفی بخاری کی کوششوں کے بعد کیا ہے

جاپانی سفارتخانے کے قونصلر ٹوکیٹا یوجی سے چیئرمین پاکستان اوورسیز ایمپلائنمنٹ پروموٹرز ایسوسی سرفراز ظہور چیمہ، بیورو آف امیگریشن کے ڈی جی کاشف احمد نور، سابق چیئرمین پوئپا چودھری محمد افضل سمیت دیگر نے ملاقات کی۔حکومت کی جانب سے لائسنس یافتہ اوورسیز ایمپلائمنٹ پروموٹرز کے ذریعے افرادی قوت جاپان بھجوانے کا فیصلہ ہوا ہے۔

چیئرمین پوئپا سرفراز ظہور چیمہ نے بتایا کہ ہنرمند اور نیم ہنرمند پاکستانیوں کی جاپان کیلئے بھرتی کا جلد آغاز ہوگا۔ اوورسیز ایمپلائمنٹ پروموٹرز بیروزگاری کے خاتمے میں حکومت کی بھرپور مدد کیلئے پرعزم ہے۔ رواں برس 50 لاکھ پاکستانیوں کو بیرون ملک روزگار کے مواقع فراہم کرینگے۔