پبلک میں خدا کا نام بیچتے ہوئے ان منافقوں کوشرم آنی چاہیے جواد کا ابرار الحق پر وار

گلوکار، سماجی کارکن اور سیاستدان ابرارالحق پی ٹی آئی کو سپورٹ کرتےہیں ابرارعمران خان کے ساتھ شانہ بشانہ کھڑے نظر آتے ہیں. گزشتہ روز مینار پاکستان پر عمران خان نے ایک جلسہ کیا اس جلسے میں‌ابرار الحق بھی شریک تھے. ان کی ایک وڈیو سوشل میڈیا پر سرکولیٹ کررہی ہے جس میں وہ کہہ رہے ہیں کہ عبادت دو طرح کی ہے ایک عبادت یہ ہے کہ ہم یہاں پر عمران خان کی ھفاظت کےلئے مامور ہیں ، اور اس عبادت کا رمضان میں اجر بھی زیادہ ہے. ہم عمران خان کے ساتھ تھے ہیں اور رہیں گے. اس وڈیو میں ابرار نے جو بھی کہا ہے اس پر سوشل میڈیا پر خاصی تنقید کی جا رہی ہے. جواد احمد نے بھی لے لیا ہے ابرارالحق کو آڑھے ہاتھوں انہوں نے کہا کہ ہے ”میں نے ابرارجیسا

مذہبی منافق نہیں دیکھاجسکی اصل حرکتوں اورجعلی باتوں میں اتناہی فرق تھاجتنا سفیداورکالےرنگ میں۔میں سب کےسامنےاسکےمنہ پراسےمنافق کہتاتھا۔یہاں عمران منافق کایہ چیلاایکبارپھرمیری بات کوسچ ثابت کررہاہے”.
جواد احمد نے یہ بھی کہا ہے کہ پبلک میں خدا کا نام بیچتے ہوئے ان منافقوں کوشرم آنی چاہیے. یہ پہلا موقع نہیں ہے کہ جواد احمد نے ابرارالحق کو آڑھے ہاتھوں لیا ہے. وہ اکثر ابرار پر تنقید کے نشتر برساتے رہتے ہیں.