کلبھوشن یادیو پر بننے والی فلم میں صبا قمر ہیں یا نہیں؟

اداکارہ صبا قمر سے متعلق خبریں آرہی تھیں کہ وہ پاکستان میں قید بھارتی جاسوس کلبھوشن یادیو کی زندگی پر بننے والی فلم میں کام کر رہی ہیں ۔ صبا قمر نے ایسی خبروں کو مزاحیہ قرار دیتے ہوئے سچ واضح کر دیا.

صبا قمر نے ٹوئٹر پر لکھا کہ ” یہ جاننا ہمیشہ مزاحیہ ہوتا ہے کہ میں نے کوئی ایسی فلم سائن کر لی ہے جس کا مجھے خود بھی نہیں علم نہیں ہوتا۔

It’s always so funny to know that behind my back I have signed another film that even I am not aware of! 😂
Honestly If i do a film I will tell all of you myself that’s what i am here for. I am only doing Kamli for now, so stop posting fake news for the sake of ratings only! 🙏🏻 pic.twitter.com/JzRtCGUuFc

— Saba Qamar (@s_qamarzaman) September 15, 2019

صبا قمر نے کہا کہ یہ ایمانداری کی بات ہے کہ اگر میں ایسی کوئی فلم کروں گی تو آپ سب کو خود ہی بتا دوں گی. اداکارہ نے واضح کیا کہ میں اس وقت صرف فلم “کملی” کر رہی ہوں اور اسی کی شوٹنگ میں مصروف ہوں۔ برائے مہربانی ریٹنگ کے لیے ایسی خبریں شائع کرنا بند کردیں۔

واضح رہے صبا قمر کی نئی آنے والی فلم “کملی” کے ہدایت کار سرمد کھوسٹ ہیں جن کے ہمراہ وہ اس سے قبل 2015 میں فلم “منٹو” میں کام کرچکی ہیں۔ سرمد کھوسٹ اپنی ہدایت کاری میں 2 نئی فلموں “زندگی تماشا” اور “کملی” کو سال 2020 میں ریلیز کریں گے.