fbpx

پنجاب : کمالیہ میں 80 سالہ ضعیف خاتون کے ساتھ جنسی زیادتی، ملزم گرفتار

صوبہ پنجاب کے ضلع ٹوبہ ٹیک سنگھ کے شہر کمالیہ میں ایک 80 سالہ ضعیف خاتون کو جنسی زیادتی کا نشانہ بنانے کے الزام میں ایک شخص کو گرفتار کرلیا گیا۔

باغی ٹی وی : تفصیلات کے مطابق واقعے کا مقدمہ کمالیہ صدر پولیس تھانے میں گاؤں کھوکھراں والی کی رہائشی بیوہ خاتون کی مدعیت میں درج کرلیا گیا۔

ایف آئی آر میں مدعیہ نے بتایا کہ وہ رات کو اپنے گھر میں سو رہی تھیں کہ جب گاؤں چھا راجے والی کا رہائشی ملزم آدھی رات کو ان کے گھر میں گھس آیا اور ملزم نے ان پر قابو پا کر ان کی گردن میں رسی ڈال کر انہیں باندھا اور اس کے بعد مبینہ طور پر ریپ کردیا۔

بعدازاں پولیس نے معمر خاتون کو طبی معائنے کے لیے کمالیہ کے تحصیل ہیڈ کوارٹر ہسپتال منتقل کردیا پولیس نے اس گھناؤنے جرم میں ملوث ملزم کو گرفتار کرنے کا دعویٰ بھی کیا ہے۔

اس سے قبل لاہور میں 10 سالہ بچے کو زیادتی کا نشانہ بنا دیا گیا،ڈی آئی جی آپریشنز احسن یونس کی ہدایت پر 10 سالہ بچے سے بدفعلی زیادتی کرنے والا ملزم گرفتارکر لیا گیا،شاد باغ پولیس کی بروقت کاروائی کی وجہ سے اب ملزم سلاخوں کے پیچھے ہے بچے کے والد کی درخواست پر فوری کاروائی کرتے ملزم کو گرفتار کیا گیا ملزم عبدالشکور نے بچے کو چیز دینے کے بہانے اپنی دوکان پر زیادتی کا نشانہ بنایا ملزم کے خلاف مقدمہ درج کر لیا گیا جبکہ تفتیش جاری ہے،ایس پی سٹی رضوان طارق کا کہنا تھا کہ معصوم بچوں کا جنسی استحصال اور تشدد کرنے والے درندہ صفت انسان کسی رعائیت کے مستحق نہیں-

قبل ازیں ڈی آئی جی آپریشنز اسلام آباد افضال احمد کوثر نے پریس کانفرنس کرتے ہوئے بتایا تھا کہ آدھی رات کے بعد گھروں میں گھس کر گن پوائنٹ پر فیملیز کو یرغمال بنا کر لوٹ مار کرنے والا غنی گینگ گرفتارکرلیا،

ڈی آئی جی آپریشنز افضال احمد کوثر کا کہنا تھا کہ ملزمان نے سیکٹرزکے قریب نالوں میں رہائش رکھی ہوئی تھی،ملزمان واردات کرنے کے بعد اسی رات افغانستان فرار ہوجاتے تھے،اس گینگ کا سرغنہ عبدالغنی عرف عبدالوحد عرف عثمان پولیس کو گزشتہ 15 سال سے مطلوب تھا جس نے غنی گینگ بنارکھا تھا، ساتھی ملزمان میں عبدالوہاب، حضرت خان،خدئے رام،جنت گل،محمد کریم،عامر خان اور عزیز اللہ شامل ہیں، ملزمان کے قبضے سے لاکھوں روپے کی نقدی ڈائمنڈ سیٹ سمیت 60 تولے طلائی زیورات ،قیمتی موبائلز، برآمد کئے گئے ہیں،ملزمان کے قبضے سے وارداتوں میں استعمال ہونے والا اسلحہ و ایمونشن بھی برآمد کیا گیا تھا-

Facebook Notice for EU! You need to login to view and post FB Comments!