بھارتی اداکارہ متنازع کنگنا رناوت کے خلاف کرناٹک پولیس نے کسانوں کی توہین کرنے پر مقدمہ درج کرلیا۔
باغی ٹی وی : بھارتی خبر رساں ادارے انڈیا کی رپورٹ کے مطابق جمعہ کے روز کرناٹک کے ضلع ٹوماکورو کی ایک عدالت نے پولیس کو ہدایت دی کہ وہ اداکارہ کنگنا رناوت کے خلاف اپنے حالیہ ٹویٹ پراحتجاج کرنے والے کسانوں کو مبینہ طور پر نشانہ بنانے کے لئے ایف آئی آر درج کریں۔
https://twitter.com/KanganaTeam/status/1307946243339907072?s=20
اداکارہ کے خلاف یہ مقدمہ ایک وکیل ایل رمیش نائک کی ایک شکایت کی بنیاد پر ، جوڈیشل مجسٹریٹ فرسٹ کلاس (جے ایم ایف سی) عدالت نے کیاتھا –
کرناٹک عدالت کی ہدایت کے بعد پولیس نے بولڈ اداکارہ کے خلاف ایف آئی آر درج کی جبکہ اس میں ان کے خلاف دو گروہوں کے درمیان لڑائی کروانے کی کوشش کرنے، جان بوجھ کر ایک گروپ کی توہین کرنے، شدید اشتعال انگیزی پھیلانے سمیت دیگر دفعات شامل کی گئی ہیں۔
واضح رہے کہ چند روز قبل بھارتی ریاست کرناٹک کے ضلع ٹوماکورو کی عدالت کے جوڈیشل مجسٹریٹ فرسٹ کلاس عدالت نے ایف آئی آر درج کرنے کی ہدایات جاری کیں۔
ایف آئی آر کے مطابق کنگنا رناوت نے احتجاج کرنے والے کسانوں کو دہشتگردوں سے تشبیہ دی تھی۔
