کراچی سے شارجہ جانے والے پی آئی اے مسافروں کے لئے ریپڈ انٹیجن ٹیسٹ کے ساتھ شارجہ آمد کی خصوصی اجازت حاصل کرلی گئی-

باغی ٹی وی : مسافروں کے لئے ریپڈ انٹیجن ٹیسٹ کے لئے کراچی ائیرپورٹ پر پی آئی اے ٹکٹ دفتر میں لیبارٹری قائم کر دی گئی نجی لیبارٹری عیسی لیب کے کئے گئے ریپڈ انٹیجن ٹیسٹ رپورٹ پر مسافر پی آئی اے کی پرواز سے رات ڈھائی بجے شارجہ روانہ ہوں گے-

سی اے اے ذرائع کے مطابق پی آئی اے کی جانب سے مسافروں کو پرواز سے 4 گھنٹے قبل ائیرپورٹ پہنچنے کی ہدایت کی گئی تھی شارجہ کے لیے ریپیڈ ٹیسٹ کی فیس فی مسافر 2ہزار پانچ سو روپے مقرر کی گئی ہے

سی اے اے ذرائع کا کہنا تھا کہ پی آئی اے کی درخواست پر ایئر لائن کے ٹکٹ دفتر میں لیب کی اجازت دی گئی ہے دبئی اور ابوظہبی جانے والے مسافروں کے لئے ریپڈ پی سی آر ٹیسٹ کرانا لازمی قرار دیا گیا ہے-

دبئی ویزا ہولڈرز پاکستانیوں کیلئے”کورونا ویکسینیشن سرٹیفیکیٹ” کی شرط ختم

واضح رہے کہ دبئی کا رہائشی ویزا رکھنے والے پاکستانیوں کیلئے کورونا کے’’اماراتی ویکسینشن سرٹیفیکیٹ‘‘ کی شرط ختم کردی ہے یہ نرمی پاکستان، بھارت، سری لنکا، نیپال، نائجیریا اور یوگنڈا کے شہریوں کیلئے بھی ہوگی۔

دبئی ائرپورٹ اور دبئی کی ایمرٹس ائیرلائن نے نئی سفری ہدایات جاری کرتے ہوئے کہا کہ پاکستان سے مسافر پر اب "اماراتی ویکسینشن ” کی دو مکمل خوارکوں کی شرط لاگو نہیں ہوگی البتہ دیگر شرط ابھی بھی جوں کی توں برقرار ہیں، جن میں پاکستان سے دبئی کے سفر سے پہلے “اماراتی اجازت نامہ” لینا پہلی اور لازمی شرط ہے۔

پی آئی ے کی اپنے ملازمین کو کورونا ویکسین لگوانے کیلئے 13 اگست تک کی ڈیڈ لائن