کرشمہ کپور کا دوسری شادی کریں گی؟ اداکارہ نے بتا دیا

ممبئی: بالی ووڈ کی معروف اداکارہ کرشمہ کپورنے پہلی ازدواجی زندگی کی ناکامی کے بعد دوسری شادی کا عندیہ دیا ہے-

باغی ٹی وی : بھارتی میڈیا کے مطابق کرشمہ کپور نے 2003 میں سنجے کپور نامی تاجرسے شادی کی تھی بدقسمتی سے دونوں کے درمیان 2016 میں علیحدگی ہوگئی تھی، اس دوران جوڑے کے ہاں بیٹی سمیرا اور بیٹے کیان کی پیدائش ہوئی۔

طلاق کے بعد سنجے کپور نے اداکارہ پریا شادیو سے دوسری شادی کی اور اب کرشمہ کپور نے بھی اشارہ دیا ہے کہ وہ بھی دوسری ازدواجی زندگی کا آغاز کرسکتی ہیں-

عمران اشرف کی فلم ’’دم مستم‘‘ کے خلاف خواجہ سرا عدالت پہنچ گئے

جب امیتابھ بچن نے گووندا کو تھپڑ مارنے کی دھمکی دی تھی

اداکارہ نے سماجی رابطے کی فوٹو اور ویڈیو شیئرنگ ایپ انسٹاگرام کی اسٹوری پر سوال جواب کا سیشن رکھا تھا جس میں مداحوں کی جانب سے مختلف سوالات پوچھے گئے جن کے کرشمہ نے جواب دیئے۔

سیشن کے دوران ایک مداح نے پوچھا کہ کیا آپ دوبارہ شادی کریں گی جس کا جواب انہوں نے ’’ڈیپینڈ‘ یعنی انحصار لکھ کر دیا۔

اداکارہ کی جانب سے اس جواب کے بعد مداحوں کی جانب سے اندازہ لگایا جا رہا یے اس کا مطلب یہ ہے کہ کرشمہ کپور کو اگر کبھی ایسا انسان ملا جن سے ان کی ذہنی ہم آہنگی ہو تو دوسری شادی کرسکتی ہیں۔