قصور:بجلی کی اوور بلنگ ،ایس ای آفس پر ایف آئی اے کی ٹیم کا چھاپہ،کچھ ہاتھ نہ لگ سکا

قصور،باغی ٹی وی ( طارق نوید سندھو سے )بجلی کی اوور بلنگ ،ایس ای آفس پر ایف آئی اے کی ٹیم کا چھاپہ،کچھ ہاتھ نہ لگ سکا

ایف آئی اے ٹیم کا اوور بلنگ کے خلاف لیسکو آفس قصور کا ریکارڈ تحویل میں لینے کے لئے پندرہ رکنی ٹیم نے چھاپہ مارا مگر ٹیم کے پہنچنے سے پہلے ہی تمام سب ڈویژن کے آفیسر و عملہ دفاتر کی تالہ بندی کرکے فرار ہو گئے ۔

گذشتہ روز وفاقی حکومت نے اوور بلنگ کے خلاف ایکشن لینے کا کہا تھا تو آج صبح ایف آئی اے اہلکاران نے دیگر اداروں کے اہلکاران کے ساتھ ریکارڈ تحویل میں لینے کے لئے ایس ای آفس پر چھاپہ مارا مگر کچھ ہاتھ نہ لگ سکا

شہریوں کا کہنا ہے کہ چھاپہ مار ٹیم میں سے کوئی مخبر موجود ہے جس نے پہنچنے سے پہلے تمام عملہ کو اطلاع دے دی جس وجہ سے ایف آئی اے کو ریکارڈ تحویل میں لینے میں ناکامی ہوئی۔

واپڈا اہلکار دفاتر کی تالہ بندی کرکے کے فرار ہو گئے ،جس کی وجہ سے سائلین پریشان پھرتے رہے۔