قصورپھرقصوروار:کوٹ رادھاکشن انسانیت سوز واقعہ چھابڑی فروش پر با اثر افراد کا تشدد

قصورپھرقصوروار:کوٹ رادھاکشن انسانیت سوز واقعہ چھابڑی فروش پر با اثر افراد کا تشدد ،اطلاعات کے مطابق ضلع قصور کی تحصیل کوٹ رادھاکشن میں ایک انسانیت سوز پرتشدد واقعہ نے قصور کو ایک بار پھر قصوروار ٹھرا دیا ہے ،

باغی ٹی وی ذرائع کے مطابق یہ واقعہ کوٹ رادھا کشن کے علاقہ راول جھنگڑ میں پیش آیا جہاں با اثر افراد نےغریب چھابڑی فروش پر بیہمانہ تشدد کرکے اس کے جوڑ جوڑ کو ضربیں لگائی ہیں

کوٹ رادھاکشن با اثر ملزمان تنویر نامی شخص کو درخت کے ساتھ باندھ کر تشدد کا نشانہ بناتے رہے واقعہ کی وڈیو بھی وائرل ہوئی ہے،کوٹ رادھاکشن انسانیت سوز تشدد کے دوران لوگ یہ تشدد تو ہوتے دیکھتے رہے لیکن کسی نے اس کو بچانے کی کوشش نہ کی

کوٹ رادھا کشن پولیس نے وڈیو کے منظر عام پر آنے کے بعد متاثرہ تنویر کے بھائی کی مدعیت میں دو نامزد اور آٹھ نامعلوم ملزمان کے خلاف مقدمہ درج کر لیا، ان میں سے دو ملزمان کو گرفتار کرلیا گیا ہے

کوٹ رادھا کشن۔ بااثر افراد کا غریب شہری پر درخت سے باندھ کر تشدد@OfficialDPRPP @kasur_dc pic.twitter.com/dZduUwNLTe

— ممتاز حیدر (@MumtaazAwan) February 20, 2022

دوسری طرف ایس ایچ او کفایت حسین کوٹ رادھا کشن کہتے ہیں‌ کہ یہ واقعہ انتہائی افسوس ناک ہے ملزمان کو ہر صورت قرار واقعی سزا دلوائی جائے گی،

یاد رہے کہ قصور کی تحصیل کوٹ رادھاکشن با اثر ملزمان میں طارق اور رمضان مئیو اور آٹھ نامعلوم افراد شامل ہیں متاثرہ تنویر نے آئی جی پنجاب سے نوٹس لینے کا مطالبہ کیا ہے