fbpx

بارش کے باعث لاہورآلودہ ترین شہروں میں چھٹے نمبر پر آ گیا ،محکمہ تحفظ ماحولیات پنجاب

لاہور:محکمہ تحفظ ماحولیات پنجاب نے آج کا ائیر کوالٹی انڈیکس جاری کردیا ہے-

باغی ٹی وی :محکمہ تحفظ ماحولیات پنجاب کے مطابق بارش کے باعث لاہور کا اے کیو آئی 170 ریکارڈ کیا گیا آلودہ ترین شہروں میں چھٹے نمبر پر آ گیا محکمہ تحفظ ماحولیات ٹاؤن ہال میں ائیر کوالٹی انڈیکس 120،جی سی یونیورسٹی، لاہور میں ائیر کوالٹی انڈیکس171،ٹاؤن شپ سیکٹر ٹو میں ائیر کوالٹی انڈ یکس41 ،نیشنل ہاکی اسٹیڈیم لاہور کا ائیر کوالٹی انڈیکس 161 ریکارڈ کیا گیا-

ملک بھر میں بارشوں کا سلسلہ جاری،مری میں برفباری شروع انتظامیہ ہائی الرٹ

محکمہ ماحولیات پنجاب کی جانب سے جاری رپورٹ کے مطابق راولپنڈی میں ائیر کوالٹی انڈیکس 86 ریکارڈ کیا گیا ،فیصل آباد میں ائیر کوالٹی انڈیکس 80 ریکارڈ کیا گیا جبکہ رحیم یار خان میں ائیر کوالٹی انڈیکس118ریکارڈ کیا گیا-

خیال رہے کہ محکمہ تحفظ ماحولیات پنجاب کی جانب سے یہ تمام ڈیٹا 24 گھنٹے کی بنیاد پر مرتب کیا گیا ہے-

دوسری جانب ملک کے بیشتر حصوں میں رات سے شروع ہونے والی بارش کا سلسلہ وقفے وقفے سے جاری ہے جس کے باعث سردی کی شدت میں اضافہ ہو گیا ہے پنجاب کے علاقوں اسلام آباد، راولپنڈی، لاہور، چکوال، ساہیوال، فیصل آباد، منچن آباد، پاکپتن، سیالکوٹ، سمیت دیگر علاقوں میں بارش کا سلسلہ جاری ہے پنجاب کے بعض میدانی علاقوں اور بالائی سندھ میں شدید دھند نے رات سے ہی ڈیرے ڈال رکھے ہیں۔

کراچی میں گرد آلود ہواؤں کا سلسلہ جاری، شہری احتیاط کریں

پشاور سمیت خیبر پختونخوا کے بھی مختلف علاقوں میں بارش کا سلسلہ جاری ہے جبکہ پہاڑوں پر برفباری بھی شروع ہو چکی ہے۔ ناران، کاغان، چترال،سوات، مالم جبہ، دیر، شانگلہ اور مانسہرہ کے مختلف حصوں میں بھی برفباری کا سلسلہ شروع ہو چکا ہے مری، گلیات اور گردونواح کے علاقوں میں ایک بار پھر برفباری شروع ہو گئی ہے جو آئندہ دو روز تک جاری رہے گی تاہم انتظامیہ کی جانب سے تمام پیشگی انتظامات کر لیے گئے ہیں۔

بلوچستان کے علاقوں مستونگ، پشین سمیت دیگر علاقوں میں بھی ہلکی بارش اور کہیں برفباری کا سلسلہ شروع ہو چکا ہے جبکہ نوکنڈی، دالبندین، موسیٰ خیل، ہرنائی، لورالائی، چمن اور نوشکی کے مختلف علاقوں میں بھی بارش کا سلسلہ جاری ہے۔

محکمہ موسمیات کے مطابق ملک بھر میں آئندہ دو روز تک وقفے وقفے سے بارش اور پہاڑوں پر برفباری کا سلسلہ جاری رہے گا۔

تیز بارش آندھی کے باوجود کے الیکٹرک کی زبردست کارکردگی سامنے آگئی