fbpx

لیہ،لڑکی سے زیادتی،پورنو گرافی سیکنڈل،دو ملزمان گرفتار

لیہ میں لڑکی سے زیادتی اور پورنوگرافی کے مبینہ سکینڈل کا معاملہ لیہ پولیس نے واقعہ میں نامزد 7 میں سے 2 ملزمان کو حراست میں لے لیا۔

ترجمان پنجاب پولیس کے مطابق ملزم انوار اور شوکت کو حراست میں لے کر تفتیش کا آغاز کر دیا گیا ہے۔دیگر ملزمان کی گرفتاری کے لیے پولیس کی خصوصی ٹیمیں چھاپے مار رہی ہیں۔ وزیراعلی پنجاب اور آئی جی پنجاب نے واقعہ کا نوٹس لیتے ہوئے ملزمان کی فوری گرفتاری کی ہدایت کی تھی۔ایڈیشنل آئی جی جنوبی پنجاب نے ملزمان کی گرفتاری کے لیے دو خصوصی ٹیمیں تشکیل دیں۔واقعہ کی تمام پہلوؤں سے تفتیش کرنے کے لیے جوائنٹ انویسٹی گیشن ٹیم تشکیل دیدی گئی۔

ترجمان پنجاب پولیس کے مطابق متاثرہ خاتون کے ڈی این اے سیمپلز فرانزک لیب کو بھجوا دیئے گئے ہیں۔واقعہ میں ملوث باقی ملزمان کو گرفتارکر کے تمام حقائق جلد سامنے لائے جائیں گے۔واقعے کے تمام پہلوؤں کا جائزہ لیا جا رہا ہے اور تحقیقاتی ٹیمیں واقعاتی اور فورنزک شہادتوں کی روشنی میں تفتیش آگے بڑھا رہی ہیں۔

قبل ازیں وزیراعلیٰ پنجاب چودھری پرویزالٰہی نے لیہ میں زیادتی اور پورنوگرافی کے سکینڈل کا سخت نوٹس لے لیا اور انسپکٹر جنرل پولیس سے رپورٹ طلب کرتے ہوئے اعلیٰ سطحی ٹیم کو واقعہ کی تحقیقات کا حکم بھی دیا، وزیراعلیٰ پنجاب کا کہنا تھا کہ واقعہ کی جامع تحقیقات کرکے ملزمان کو قانون کی گرفت میں لایا جائے متاثرین کو ہر صورت انصاف کی فراہمی یقینی بنائی جائے۔ ایسا واقعہ کسی صورت قابل برداشت نہیں۔ گھناؤنے جرم میں ملوث ملزمان قرار واقعی سزا سے نہیں بچ پائیں گے۔ انصاف کے تمام تقاضے پورے کئے جائیں گے اور ملزمان کو کڑی سزا دلائی جائے گی۔

 پنجاب میں پورن گرافی کے لئے تربیت یافتہ جانوروں کا استعمال، بڑا سیکنڈل سامنے آگیا؛ اینیمل پورن گرافی کا گروہ بے نقاب مقدمہ درج کر لیا گیا

لیہ میں زیادتی او اینیمل پورن گرافی کا سکینڈل سامنے آگیا ؛ 22 سالہ کرن نامی خاتون کے والد کی مدعیت میں درخواست تھانہ صدر کو دی گئی ہے ۔ درخواست میں کہا گیا ہے کہ ملزمان نے جھوٹی پیشی پر بلایا او اسلحہ کے زور پر اغواء کر لیا ۔چوک اعظم میں نامعلوم جگہ پر لے جا کر پہلے خود زیادتی کا نشانہ بنایا اور پھر ملزمان نے ہاتھ اور منہ باندھ کر کتے کے ساتھ پورن ویڈیو بھی بنائی ۔ متاثرہ لڑ کی نے کہا کہ ملزمان نے 5 دن حبس بے جا میں رکھا گروہ پورن ویڈیو بیچنے کے مکروہ دھندے میں ملوث ہے۔ویڈیو وائرل کی دھمکی دے کر 50 ہزار روپے بھتہ بھی وصول کیا۔

ملزمان نے تھانہ چوبارہ میں درج زیادتی کے مقدمہ کی رنجش پر زیادتی کا نشانہ بنایا۔خاتون نے تھانہ کی بجائے علاقہ مجسٹریٹ کو میڈیکل کے لئے درخواست دی ۔علاقہ مجسٹریٹ نے لڑکی کے مکمل معائنہ کے احکامات جاری کر دیئے ۔

قصور کے بعد تلہ گنگ میں جنسی سیکنڈل. امام مسجد کی مدرسہ پڑھنے والی بچیوں کی ساتھ زیادتی

سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

سابق اہلیہ کی غیراخلاقی تصاویر سوشل میڈیا پر اپ لوڈ کرنے والے ملزم پر کب ہو گی فردجرم عائد؟

‏سوشل میڈیا پرغلط خبریں پھیلانا اورانکو بلاتصدیق فارورڈ کرنا جرم ہے، آصف اقبال سائبر ونگ ایف آئی اے

سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار