سلمان خان کے گھر کے باہر جمع ہونے والے مداحوں پر پولیس کا لاٹھی چارج

ممبئی: بالی ووڈ سُپر اسٹار سلمان خان کے گھر کے باہر جمع ہونے والے مداحوں پر بھارتی پولیس نے لاٹھی چارج شروع کردیا۔

باغی ٹی وی:بھارت اور بنگلادیش میں آج عید الفطر منائی جارہی ہے، ہر سال کی طرح اس سال بھی عید کے موقع پر سلمان خان کے سیکڑوں مداح ان کی ایک جھلک دیکھنے کے لیے ممبئی میں ان کے بنگلے گلیکسی کے باہر جمع ہوگئےسلمان خان کی ایک جھلک دیکھنے کے لیے مداح صبح سے ہی انتظار کر رہے تھے لیکن یہ انتظار بہت طویل ہو گیا اور ٹریفک میں خلل پڑنے لگا تو پولیس کو مداحوں کے بے قابو ہجوم پر لاٹھی چارج کرنا پڑا،لاٹھی چارج کے نتیجے میں ہجوم میں بھگدڑ مچ گئی اور کئی افراد گر پڑے تاہم کسی جانی نقصان یا زخمی ہونے کی اطلاع موصول نہیں ہوئی۔

دوسری جانب سپر اسٹار شاہ رخ خان سے عید ملنے ہزاروں مداح ان کے گھر کے باہر پہنچ گئےعید کے موقع پر ممبئی میں شاہ رخ خان کے گھر منت کے باہر ہزاروں افراد جمع ہوگئے اور ان کی ایک جھلک دیکھنے کے منتظر رہے شاہ رخ خان نے گھر کی بالکونی سے مداحوں کا شکریہ ادا کیا اور اپنے مخصوص انداز میں مداحوں کو عید کی مبارکباد دی،اس موقع پر کنگ خان نے سفید شلوار قیمض زیب تن کی ہوئی تھی جبکہ ان کے چھوٹے بیٹے ابرام خان بھی بالکونی میں والد کے ساتھ موجود رہے۔