پاکستان شوبز انڈسٹری کی معروف اور عالمی شہرت یافتہ اداکارہ ماہرہ خان کا کہنا ہے کہ اگر میری بیٹی ہوتی تو اس کا نام رانیہ رکھتی۔
باغی ٹی وی : عالمی شہرت یافتی پاکستانی اداکارہ ماہرہ خان نے سوشل میڈیا ویب سائٹ ٹوئٹر پر شہریار نامی صارف کا ٹوئٹ اپنے اکاؤنٹ پر شیئر کیا جس میں صارف نے اپنی آٹھ سالہ بیٹی کے ماہرہ خان کے لئے لکھے گئے خط کی تصویر شیئر کی۔
@TheMahiraKhan…
Hi my 8 years daughter is a big fan of you.
She has written a letter to you, hope you would like it, as she inspired you I think she would present you in future…
Hope you would write or share a small video for her, that would be a big surprise for her. Thanks pic.twitter.com/QwZCpsJHY9— Shaharyar (@Shaharyar345) June 4, 2020
ماہرہ خان کی آٹھ سالہ ننھی مداح نے اپنے خط میں اُن کے لیے نیک خواہشات کا اظہار کرتے ہوئے لکھا کہ پیاری ماہرہ میرا نام رانیہ ہے اور میں آپ کی تب سے بہت بڑی فین ہوں جب میں نے آپ کو ایوارڈ شو میں بیسٹ ایکٹریس کا ایوارڈ لیتے ہوئے دیکھا-
ننھی مداح نے لکھا کہ میں نے آپ کی سُپر سٹار فلم دیکھی مجھے آپ کا ڈانس اور ایکٹنگ بہت اچھی لگی میں آپ کی بہت بڑی مداح ہوں اور میں چاہتی ہوں کہ آپ مجھے اپنا آٹوگراف دیں تاکہ میں اُس کو فریم کروا کے اپنے کمرہ کی دیوار پر لگا سکوں۔
ننھی مداح نے پسندیدہ اداکارہ کے مستقبل کے لئے نیک خواہشات کا اظہار کیا-
ننھی مداح رانیہ کے والد نے اپنے ٹویٹ میں ماہرہ خان کو مخاطب کرتے ہوئے لکھا کہ میری آٹھ سالہ بیٹی رانیہ نے آپ کے لیے خط لکھا ہے اُمید ہے کہ آپ کو یہ خط پسند آئے گا اور اگر آپ میری بیٹی کے خط کا جواب دیں گی تو وہ بہت زیادہ خوش ہوگی۔
This is shoo sweet. Tell Rania that I wanted to name my daughter Rania if I had a girl 🙂 Give her lots of love and tight hug from me 😘♥️ https://t.co/zDKEXcMDgK
— Mahira Khan (@TheMahiraKhan) June 4, 2020
ٹوئٹر صارف کے ٹوئٹ کا جواب دیتے ہوئے ماہرہ خان نے لکھا کہ آپ کی بیٹی بہت ہی پیاری ہے۔
ماہرہ خان نے لکھا کہ آپ اپنی بیٹی کو بتائیں کہ اگر میری کوئی بیٹی ہوتی تو میں اُس کا نام رانیہ ہی رکھتی۔
اداکارہ نے لکھا کہ ننھی رانیہ کے لیے میری طرف سےبہت سارا پیار۔
