ماہرہ خان کی تصویر پر بالی ووڈ اداکارہ کا تبصرہ

پاکستان کی عالمی شہرت یافتہ اداکارہ ماہرہ خان کی تصویر پر بھارتی اداکارہ نے ردعمل کا اظہار کیا ہے-

باغی ٹی وی : اداکارہ ماہرہ خان کے پاکستان سمیت سرحد پار اور دنیا بھر میں مداح موجود ہیں جو اپنی پسندیدہ اداکارہ کی جانب سے شئیر کی گئیں تصاویر اور پوسٹس پر پسندیدگی کا اظہار کرتے ہیں تاہم اس بار انکی پوسٹ پر پڑوسی ملک بھارت کی مشہور اداکارہ نے بھی ردعمل کا اظہار کیا ہے۔

ماہرہ خان نے فوٹو اور ویڈیو ایپلیکیشن انسٹاگرام پر اپنے اکاؤنٹ پر ایک منفرد انداز میں اپنی دو تصاویر شیئر کیں جس میں انہوں نے سفید رنگ کی چادر سر پر لے رکھی ہے اور نہایت دلکش اور معصوم دکھائی دے رہی ہیں-

تصاویر شئیر کرتے ہوئے ماہرہ نے کیپشن میں لکھا کہ’عجیب داستان ہے یہ‘۔

ماہرہ خان کی تصاویر پر جہاں ان کی پاکستانی ساتھی اداکاراؤں یمنی زیدی،صنم سعید اور ثروت گیلانی کی جانب سے پسندیدگی کا اظہار کیا گیا وہیں بھارتی اداکارہ مونی رائے نے کمنٹ سیکشن میں اظہار پسندیدگی اور اظہار محبت کیا۔

جبکہ کمنٹ سیکشن میں پاکستانی اداکارہ یمنیٰ زیدی نے ماہرہ خان کو حسین ترین قرار دیا-

ماہرہ خان کی تصاویر کو مشہور شخصیات سمیت 2لاکھ 29 ہزار سے زائد افراد نے پسند کیا اور انہیں سکیڑوں تعریفی کمنٹس بھی لکھے۔