کورونا کا شکار ملائکہ اڑورا بچوں کو یاد کرتے ہوئے جذباتی ہوں گئیں
عالمگیر وبا میں مبتلا بالی و ڈ کی معروف اداکارہ اور آئٹم گرل ملائکہ اروڑا کو قرنطینہ میں بیٹوں کی یاد ستانے لگی-
باغی ٹی وی :بھارتی اداکارہ ملائکہ اروڑا قرنطینہ میں بیٹوں کو یاد کرنے لگیں اداکارہ نے سوشل میڈیا ویب سائٹ انسٹاگرام پر اپنے بیٹے ارحان خان اور اُس کے پالتو کتے کی ایک تصویر شیئر کی جس میں وہ دونوں گھر کی دوسری جانب سے ملائکہ کی جانب دیکھ رہے ہیں۔
ملائکہ اروڑا نے اپنی انسٹاگرام پوسٹ کے کیپشن میں اپنے جذبات کا اظہار کرتے ہوئے لکھا کہ پیار سرحدوں کی قید سے آزاد ہے سماجی فاصلہ اور ازخود تنہائی کے ساتھ ہم نے ایک دوسرے کو دیکھنے اور ایک دوسرے سے بات کرنے کا طریقہ نکال لیا ہے۔
https://www.instagram.com/p/CFG7ykKhjqU/
اداکارہ نے لکھا کہ میرا دل یہ سوچ کر ہی ٹوٹ جاتا ہے کہ میں کچھ دن اپنے دونوں بچوں کو گلے نہیں لگا پاؤں گی ان کے پیارے چہرے مجھے بہت ہمت اور توانائی بخشتے ہیں۔
کورونا کی تشخیص کے بعد گھر میں قرنطینہ ہونے والی بالی وڈ اداکارہ ملائکہ اروڑا وقت گزاری کیلئے سوشل میڈیا کا استعمال کررہی ہیں اوراپنے قرنطینہ کے بوریت بھرے وقت کو مداحوں سے شیئر کر رہی ہیں ملائکہ کورونا ٹیسٹ منفی آنے تک گھر ہی میں رہیں گی اور کسی سے نہیں ملیں گی۔
اس سےقبل ملائکہ اڑورا نے اپنے سوشل میڈیا پیغام میں انہوں نے لکھا تھا کہ ملائکہ اروڑا نے سماجی رابطے کی ویب سائٹ انسٹاگرام پر اپنی پوسٹ میں لکھا کہ کوئی ویکسین نکال دو بھائی ورنہ جوانی نکل جائے گی۔
واضح رہے کہ حال ہی میں بالی وڈ اداکار آفتاب شیوداسانی میں کورونا وائرس کی تصدیق ہوئی ہے اور چند روز قبل بالی وڈ اداکار ارجن کپور میں کورونا کی تشخیص ہوئی تھی جس کے ایک روز بعد اداکارہ ملائیکہ اروڑا میں بھی کورونا کی تصدیق ہوئی تھی-
خیال رہے کہ با لی وڈ کے متعدد اداکار کورونا کا شکار ہوئے تھے جو کئی دن تک ہسپتال میں رہنے کے بعد صحت مند ہوئے۔کورونا وائرس سے متاثر ہونے والی بولی وڈ شخصیات میں امیتابھ بچن، ابھیشیک بچن، ایشوریا رائے اور کرن کمار سمیت دیگر شامل ہیں جو کم از کم 10 دن تک ہسپتال میں رہنے کے بعد صحت یاب ہوئے۔
تاہم معروف شاعر راحت اندوری زندگی کی بازی ہار گئے جب کہ گلوکار ایس بی بالا وینٹی لیٹر پر موت سے نبرد آزما تھے اب ان کی حالت بھی اب کافی بہتر ہیں کورونا کی وجہ سے سینیئر اداکار دلیپ کمار کے دو بھائی بھی چل بسے ہیں، تاہم وہ خود وبا سے محفوظ رہے۔
علاوہ ازیں چند روز قبل بالی وڈ اداکارہ جینیلیا ڈی سوزا نے عالمی وبا کا باعث بننے والے کورونا وائرس سے صحت یاب ہونے کا اعلان کیا تھا اور ساتھ ہی آئسولیشن میں گزارے گئے دنوں کو چیلنجنگ قرار دیا تھا۔