بھارتی اداکار متھن چکرورتی کے بیٹے اور اہلیہ کے خلاف عدالت کے حکم پر ایف آر درج

بھارت میں عدالت کے حکم پرمعروف اداکار متھن چکروتی کے بیٹے مہاکشے کے خلاف ساتھی اداکارہ کو جنسی زیادتی کا نشانہ بنانے پر ایف آئی آر درج کر لی گئی ہے۔

باغی ٹی وی : بھارتی خبر رساں ادارے ٹائمز آف انڈیا کے مطابق 38 سالہ خاتون نے 15 اکتوبر کو اوشیوارا تھانے میں اداکار متھن چکروتی کی اہلیہ یوگیتا بالی اور بیٹے مہاکشے کے خلاف ایف آر درج کرائی جس میں شادی کا جھانسہ دیکر جنسی زیادتی کا نشانہ بنانے، دھوکہ دہی اور اسقاط حمل کے لیے دباؤ ڈالنے کے الزامات عائد کیے گئے ہیں۔

ایف آئی آر میں متھن چکروتی کی اہلیہ یوگیتا بالی کو بھی نامزد کیا گیا ہے متاثرہ خاتون کا کہنا ہے کہ یوگیتا بالی کو ہمارے تعلقات کا بھی پتہ تھا اور انہوں نے بھی اسقاط حمل کے لیے مجھ پر دباؤ ڈالا تھا اور دھمکیاں دی تھیں۔

ایف آئی آر کے مطابق مہاکشے اور متاثرہ خاتون کے درمیان 2015 سے تعلقات تھے اور مہاکشے چکروتی نے نشے آور چیز پلا کر زیادتی کا نشانہ بنایا اور بعد ازاں شادی سے انکار کردیا۔ متاثرہ خاتون کی شناخت ظاہر نہیں کی گئی تاہم کہا جاتا ہے کہ وہ بھوج پوری اداکارہ ہیں۔

مہاکشے چکروتی پر جنسی زیادتی کا مقدمہ درج کرانے کے لیے کئی بار کوششیں کیں لیکن ہر بار متھن چکروتی کے تعلقات کام آٗئے جس کے بعد مذکورہ خاتون نے دہلی کی مقامی عدالت سے رجوع کیا۔ لیکن دہلی کی ایک مقامی عدالت کے حکم جاری کرنے کے بعد ، آخر کار دو سال بعد اوشیوارا پولیس اسٹیشن نے ایف آئی آر درج کرنے پر اتفاق کیا عدالت کے حکم کے باوجود تھانے میں ایف آئی آر درج کرنے میں دو ماہ کا عرصہ لگ گیا۔

بھارت میں کورونا وائرس کے باعث بند سینما 8 ماہ بعد کُھل گئے

انیل کپور ایچیلیس ٹینڈن نامی بیماری کو 10 سال بعد شکست دینے میں کامیاب

جواب چھوڑیں

آپ کا ای میل ایڈریس شائع نہیں کیا جائے گا.