لاک ڈاون میں اسپنرزمشتاق احمد نے انوکھا کام کرنا شروع کردیا ، اہم خبرآگئی

0
45

لاہور:لاک ڈاون میں اسپنرزمشتاق احمد کیا کام کرنا شروع کردیا ، اہم خبرآگئی ،اطلاعات کے مطابق مشتاق احمد نے لاک ڈاؤن کو اسپنرز کی تیکینک پر کام کرنے کے لیے بہترین وقت قرار دے دیا۔ سابق کرکٹر نے کہا کہ ٹو ڈبلیوز کی موجودگی میں وکٹیں لینا ایک چیلنج تھا۔

ماضی کے عظیم کھلاڑیوں کا موجودہ اور ایمرجنگ کرکٹرز کو آن لائن ٹپس دینے کا سلسلہ جاری ہے۔ اسپنرز کے لیے منعقدہ سیشن میں تبادلہ خیال کرتے ہوئے مشتاق احمد نے کہا کہ پاکستان میں گیند بآسانی گھومتا ہے مگر انگلینڈ، آسٹریلیا اور جنوبی افریقہ میں وکٹیں لینے کے لیے اوور اسپن سے کامیابی ملتی ہے۔ انہوں نے کہا کہ عماد وسیم کی لیگ اسپن بہتر ہورہی ہے جبکہ یاسر شاہ گگلی پر خاص کام کررہے ہیں، شاداب خان کے پاس ویری ایشنز ہیں انہیں طویل طرز کی کرکٹ میں کامیابی کے لیے صرف تجربہ درکار ہے۔

مشتاق احمد نے لاک ڈاؤن کو اسپنرز کے لیے اپنی تیکینک پر کام کرنے کے لیے بہترین وقت قرار دیا ہے۔ انہوں نے کہا کہ وہ کیرئیر کے آغاز میں مرحوم عبد القادر کی نقالی میں اپنا ایکشن خراب کر بیٹھے پھر صادق محمد نے ایکشن تبدیل کرایا جس سے ان کی گگلی اور لیگ اسپن مزید مؤثر ہوگئی۔

سابق لیگ اسپنر نے کہا کہ 90 کی دہائی میں ٹو ڈبلیوز کے ہوتے ہوئے ٹیم میں شامل کسی بھی باؤلر کے لیے وکٹیں لینے آسان نہیں تھا مگر انہوں نے کبھی ہار نہیں مانی۔

سابق کرکٹر نے کہا کہ اسپنر کو آرٹ کے ساتھ ساتھ اسمارٹنس درکار ہوتی ہے، بطور اسپنر وکٹ کیپر سے ربط بہت ضروری ہے۔ انہوں نے کہا کہ وہ معین خان کے ساتھ مل کر حریف بلے بازوں کو اپنی اسپن کے جال میں پھنسا کر پویلین کی راہ دکھاتے تھے۔

مشتاق احمد نے کہا کہ وہ کیرئیر کے مشکل وقت میں تنقید سننے کی بجائے اپنی حکمت عملی بناتے تھے۔ انہوں نے کہا کہ وہ ایک مزدور کے بیٹے تھے اور انہوں نے اپنے والد سے کبھی ہار نہ ماننا سیکھا۔

Leave a reply