موسیقی کے بغیر زندگی کیسی ہو گی ؟ دیپیکا پڈوکون نے بتا دیا

بالی وڈ کی معروف اداکارہ دپیکا پڈوکون نے سوشل میڈیا پراپنی ایک پوسٹ میں میوزک ترتیب دینے والوں کا شکریہ ادا کیا ہے

باغی ٹی وی :بالی وڈ کی معروف اداکارہ دپیکا پڈوکون نے سوشل میڈیا پراپنی ایک پوسٹ میں میوزک ترتیب دینے والوں کا شکریہ ادا کیا ہے سماجی رابطے کی ویب سائٹ انسٹاگرام پر اداکارہ نے اپنے پیانو کی تصویر شیئر کرتے ہوئے موسیقی کے حوالے سے اپنے دلی جذبات کا اظہار کیا اور موسیقی کو زندگی کی اہم ضرورتوں میں سے ایک قرار دیا

دیپیکا نے اپنی ایک پوسٹ میں بہترین میوزک ترتیب دینے والوں کا شکریہ ادا کیا اور کہا کہ ان تمام خوشیوں کے لئے شکریہ جو وہ لاتے ہیں

اداکارہ نے مداحوں کوبتایا کہ اُن کا گلوکاری کا کوئی ارادہ نہیں

انہوں نے لکھا کہ میں پوری ایمانداری سے پوچھتی ہوں اس (موسیقی ) کے بغیر کون جی سکتا ہے؟ زندگی کیا ہوگی؟

انہوں نے کہا کہ گانا یا رقص کے بغیر ، ہم کیا ہیں؟ انہوں نے لکھا کہ اس کے بغیر ہماری زندگی بے رنگ و بے معنی ہو گی

دیپیکا پڈوکون نے لکھا کہ تو میں موسیقی کے لئے آپ کا شکریہ اد اکرتی ہوں

واضح رہے کہ اس سے قبل دپیکا نے اپنے پسندیدہ گانوں کی فہرست شیئر کی تھی جس میں کوک اسٹوڈیو کے ساتویں سیزن میں شامل عابدہ پروین اور راحت فتح علی خان کی آواز میں امیر خسرو کا صوفی کلام ‘چھاپ تلک سب چھین لی‘ شامل ہے۔

یاد رہے کہ بھارت میں لاک ڈاؤن کے باعث اداکارہ شوہر رنویز سنگھ کے ساتھ قرنطینہ میں ہیں قرنطینہ میں خود کو محفوظ رکھنے کے لئے اور بہترین وقت گزاری کے لیے اپنی مصروفیات مداحوں کے ساتھ شئیر کرتے رہتے ہیں

کورونا وائرس: لاک ڈاؤن سے کوئی فرق نہیں پڑا پچھلے دو سال سے قرنطینہ میں ہوں سونالی باندرے