نیب خود اپنے ناک سے مکھی بھی نہیں اڑاسکتا،رانا ثناء اللہ کی نیب پیشی کے بعد گفتگو

باغی ٹی وی کی رپورٹ کے مطابق رہنما مسلم لیگ ن رانا ثناءاللہ نے میڈیا سے گفتگو کرتے ہوئے کہا کہ میرے خلاف ایک روپے کی کرپشن ثابت نہیں کرسکے،

رانا ثناء اللہ کا کہنا تھا کہ نیب کو انتقامی کارروائی کیلئے استعمال کیا جارہا ہے،20ستمبر کو اپوزیشن اپنا مشترکہ لائحہ عمل دے گی،منفی ہتھکنڈوں سے ہمارا راستہ نہیں روکا جاسکتا،نیب احتساب کے طور پر کام نہیں کر رہا،کارروائی صرف اپوزیشن کیخلاف ہوتی ہے،

https://twitter.com/MianAbbas_/status/1303945208757923841

رانا ثناء اللہ کا مزید کہنا تھا کہ نااہل اور نالائق ٹولہ ملک پر قابض ہے،نیب خود اپنے ناک سے مکھی بھی نہیں اڑاسکتا، جو کچھ ہورہا ہے سب کچھ حکومت کررہی ہے، بلین ٹری سونامی کا نوٹس صرف دکھاوے کیلئے ہے.نیب آزاد اور احتساب کا ادارہ نہیں، بلکہ اسے حکومت چلارہی ہے۔ میں نے کوئی جائیداد اور اکاؤنٹ ظاہر نہیں کیا تو میرے سامنے رکھے جائیں۔

رانا ثناء اللہ کا مزید کہنا تھا کہ میرے خلاف 2 سال سے تمام ایجنسیوں نے ایڑھی چوٹی کا زور لگالیا، لیکن 1 روپے کا اکاؤنٹ سامنے نہیں لاسکے، ایک روپے کی غیرقانونی جائیداد نہیں نکال سکے۔ لیکن سونامی ٹری اسکینڈل میں کسی کو طلب نہیں کیا جاتا، اپوزیشن کو شکایت کے مرحلے سے ہی گرفتار کیا جاتا ہے۔

قبل ازیں رانا ثناء اللہ نیب میں پیش ہوئے اور نیب کی جانب سے سوالات کے جواب دیئے، اس موقع پر ن لیگی کارکنان نیب آفس کے باہر موجود تھے،

رانا ثنااللہ کے خلاف جاری انکوائری کو انویسٹی گیشن میں تبدیل کرنے کی منظوری دی گئی تھی،رانا ثنااللہ کے خلاف غیر قانونی اثاثہ جات بنانے کے حوالے سے تحقیقات جاری ہیں

رانا ثناء اللہ ایک بار پھرمشکل میں پھنس گئے، حکومت نے اب کیا کیا؟ جان کر ہوں حیران

رانا ثناء اللہ نے سینئر صحافی و اینکر پرسن مبشر لقمان کوجیل سے لکھا خط، کیا کہا؟

رانا ثناء اللہ کی ضمانت، شہر یار آفریدی میدان میں آ گئے، بڑا اعلان کر دیا

رکن قومی اسمبلی رانا ثناء اللہ نیب لاہور میں 2 جنوری کو بھی پیش ہوئے تھے نیب لاہور کی جانب سے رانا ثنااللہ کو طلبی کا نوٹس 27 دسمبر کو بھجوایا گیا تھا،نیب لاہورنے رانا ثنااللہ سے 14 سوالات کے جوابات مانگے،سیاست میں آنے سے قبل اور بعد کے اثاثوں کی تفصیلات طلب کی گئیں،

نیب نے رانا ثناء اللہ سے پوچھا کہ بتایا جائے کہ سیاست کب شروع کی اور کتنی بارپبلک آفس ہولڈ کیا،کیا آپ کےعلاوہ کوئی سیاست میں ہے؟آپ کے کون کون سے کاروبار ہیں؟تفصیلات بتائیں،کیا آپ کےخاندان میں کوئی اور سیاست میں ہے؟آپ ابھی کون سا کاروبار کر رہے ہیں؟آپ اور آپ کی فیملی کے نام کون کون سی جائیدادیں ہیں؟20سال کے دوران کون کون سی جائیدادوں کی خریدوفروخت کی؟

نواز شریف کا مریم نواز سے رابطہ، اہم ہدایات دے دیں،مریم سے ایک اور اہم شخصیت کا بھی رابطہ

ن لیگی رہنما رانا ثناء اللہ نے نیب طلبی کے خلاف لاہور ہائیکورٹ میں درخواست بھی دائر کر رکھی ہے،رانا ثناء اللہ کی جانب سے لاہور ہائکورٹ میں دائردرخواست میں موقف اختیار کیاگیا کہ نیب کی جانب سے تحقیقات کیلئے خلاف قانون طلب کیا گیا ہے،انسداد منشیات اورنیب دونوں ادارے وفاق کے زیرسایہ ہیں،نیب انہیں اثاثوں کی تحقیقات کررہا ہے جواے این ایف عدالت نے منجمد کررکھے ہیں، ایک وقت میں دونوں وفاقی ادارے کیسے تحقیقات کر سکتے ہیں,درخواست میں مزید کہا گیا ہے کہ نیب نے اپنے دائرہ اختیار سے تجاوز کر کے شامل تفتیش کیا ہے، درخواست میں عدالت سے استدعا کی گئی ہے کہ عدالت نیب کی جانب سے طلبی کال اپ نوٹسز کو کالعدم قرار دے