نواز الدین صدیقی نے اپنی بیوی اور بچوں کو گھر سے نکال دیا،ویڈیو

بالی ووڈ کے معروف اداکار نواز الدین صدیقی نے اپنی بیوی اور بچوں کو گھر سے نکال دیا۔

باغی ٹی وی : نواز الدین کی اہلیہ نے ویڈیو اینڈ فوٹو شیرئنگ ایپ انسٹاگرام پر جاری ویڈیو میں دعویٰ کیا ہے کہ ان کے شوہر نے انہیں بچوں سمیت گھر سے نکال دیا ہے۔

انسٹاگرام پر شئیر کی گئی ویڈیو میں دیکھا جا سکتا ہے کہ نواز الدین کی بڑی بیٹی زار وقطار رو رہی ہوتی ہیں جبکہ ان کی بیوی عالیہ کہتی ہیں کہ میری بیٹی بہت رو رہی ہے اور ہم بہت پریشان ہیں ہم نوازالدین صدیقی کو کبھی معاف نہیں کریں گی۔

انہوں نے مزید بتایا کہ ان کے پاس صرف 81 بھارتی روپے موجود ہیں اور انہیں سمجھ نہیں آرہا ہے کہ وہ بچوں کو لے کر کہاں جائیں نہ ان کے پاس ہوٹل میں قیام کرنے کے پیسے ہیں نہ ہی گھر ہے۔

یہ نوازالدین صدیقی کی اہلیہ نے کہا کہ یہ نواز الدین کا سچ ہے جس نے اپنے معصوم بچوں کو بھی نہیں بخشاجب میں 40 دن گھر میں رہنے کے بعد باہر نکلی تو ورسووا پولیس اسٹیشن کے عہدیداروں نے مجھے فوری طور پر بلایالیکن جب میں اپنے بچوں کے ساتھ گھر واپس گئی تو نوازالدین صدیقی نے بہت سے گارڈز تعینات کیے تاکہ ہمیں اندر نہ آنے دیں-

انہوں نے کہا کہ مجھے اور میرے بچوں کو اس شخص نے بے دردی سے سڑک پر چھوڑ دیامیری بیٹی کو یقین نہیں آ رہا تھا کہ اس کا باپ اس کے ساتھ ایسا کر سکتا ہے اور سڑک پر رو رہی تھی شکر ہے کہ میرا ایک رشتہ دار ہمیں اپنے ایک کمرے کے گھر میں لےگیا-

دوسری جانب اس ویڈیو پر اپنا ردِعمل دیتے ہوئے نوازالدین صدیقی نے عالیہ کی جانب سے لگائے گئے ان الزامات کی تردید کی ہے۔

واضح رہے کہ گزشتہ دنوں نوازالدین صدیقی کی اہلیہ پر ان کی ساس نے جائیداد کے تنازع پر مقدمہ درج کروایا تھا جبکہ نوازالدین صدیقی نے بھی عالیہ کو اپنی اہلیہ ماننے سے انکار کرتے ہوئے کہا ہے کہ وہ ان کے ساتھ (Live In Relationship) میں تھے جس پر عالیہ نے نوازالدین صدیقی پر ریپ کا مقدمہ درج کروا دیا تھا۔