پاک بحریہ کے سربراہ ایڈمرل ظفر محمود عباسی نے اپنے دورہ ملائیشیا کے اختتامی مرحلے میں مصروف ترین دن گزارا،
اسلام آباد ۔ 5 اکتوبر (اے پی پی) پاک بحریہ کے سربراہ ایڈمرل ظفر محمود عباسی نے اپنے دورہ ملائیشیا کے اختتامی مرحلے میں مصروف ترین دن گزارا، انھوں نے رائل ملائیشین نیوی کے ویسٹرن فلیٹ ہیڈکوارٹرز، سپیشل فورس ٹریننگ سنٹر، نیول شپ یارڈ اور نیول ایئر آرم کا بھی دورہ کیا ۔
پاک بحریہ کے ترجمان کے مطابق نیول چیف نے رائل ملائشین نیوی کے ویسٹرن فلیٹ ہیڈکوارٹرز، سپیشل فورس ٹریننگ سنٹر، نیول شپ یارڈ اور نیول ایئر آرم کا دورہ کیا۔ ویسٹرن فلیٹ ہیڈکوارٹرز آمد پر ملائشین ویسٹرن فلیٹ کمانڈر نے پاکستان کے نیول چیف کا پرجوش استقبال کیا ۔ ملائشین ویسٹرن فلیٹ کمانڈر سے ملاقات کے دوران باہمی دلچسپی کے امور اور بحری تعاون پر تبادلہ خیال کیا گیا۔
مادر وطن کی سمندری سرحدوں اور ساحلوں کے دفاع کے لیے تیار ہیں، سربراہ پاک بحریہ
پاک بحریہ کے سربراہ کا کریکس اور کوسٹل ایریا میں پاک بحریہ کی تنصیبات کا دورہ
پاکستان نیوی کا بلوچستان کی عوام کے لئے شاندار کام، عوام کی دعائیں
پاکستان نیوی کے صف اول کے جنگی جہاز کا دورہ سعودی عرب
سربراہ پاک بحریہ نے ملائشین سپیشل فورس کے ٹرینگ سنٹر کا دورہ کیا،اس موقع پر انھیں تربیتی اور آپریشنل سرگرمیوں بارے تفصیلی بریفنگ دی گئی۔نیول چیف نے ٹریننگ سنٹر میں موجود سہولیات اور ٹریننگ کے معیار کو سراہا ، بعد ازاں نیول چیف نے بوسٹیڈ نیول شپ یارڈ کا دورہ کیا جہاں انھیں جہازوں کی مرمت اور مینٹیننس کی صلاحیتوں بارے بریفنگ دی گئی۔
ترجمان کے مطابق اپنے دورہ کے اختتام پر نیول چیف نے ملائشین نیول ایئر آرم کا دورہ بھی کیا اور وہاں مختلف سہولیات کا جائزہ لیا۔ چیف آف دی نیول سٹاف کا ملائشیا کا دورہ دونوں ممالک کو مزید قریب لانے اور بحری افواج کے درمیان تعلقات کے فروغ کا باعث بنے گا۔
