سیاحت کے شوقین افراد کے لیے عظیم خوشخبری: سوات میں گبین جبہ جدید سہولیات اور روشنیوں سے چمک اٹھا

سوات: حکومت پاکستان اور بالخصوص خیبر پختونخواہ کی حکومت کی کوششوں سے ایک اور نیا سیاحتی مقام دریافت ہونے کے بعد سیاحوں کی بڑی تعداد سوات کے نئے سیاحتی مقام گبین جبہ پہنچنے لگے ، اطلاعات کے مطابق وادی سوات کے نئے سیاحتی مقام گبین جبہ میں سیاحوں کے لیے قیام طیعام کی جدید سہولتوں سے آراستہ ہٹس کا افتتاح ہوتے ہی سیاہ امڈ آئے۔

کے پی حکومت کے ذرائع کے مطابق سوا ت کے نئے سیاحتی مقام گبین جبہ کے اس نئے سیاحتی مقام پر چاروں طرف گھنے جنگلات اور مختلف رنگ کے جنگلی پھول فضا کو معطر کرتے ہیں۔خیبر پختونخوا حکومت نے گبین جبہ میں قائم اس نئے سیاحتی مقام کو باقاعدہ طور پر سیاحتی زون میں شامل کردیا ہے

سوات کے نئے سیاحتی مقام گبین جبہ کے متعلق گفتگو کرتے ہوئے ٹورزم ڈیپارٹمنٹ کے جنرل منیجر محمد علی کا کہنا ہے کہ ہٹس میں سیاحوں کے لئے بین الاقوامی معیار کی سہولتیں فراہم کی گئی ہیں۔ہٹس کا افتتاح ہوتے ہی سیاحوں کا جم غفیر سہانے موسم سے لطف اندوز ہونے اور حسین وادی کا ںظارہ کرنے کے لیے اُمڈ آیا۔

کے پی گورنمنٹ ذرائع کی طرف سے جاری تفصیلات کے مطابق یہ نیا سیاحتی مقام مین گبین جبہ سے ایک کلومیٹر کے فاصلے پر واقع ہے۔ گبین جبہ سے اس سیاحتی مقام کے لیے نئی سڑک پر تعمیراتی کام تیزی سے جاری ہے۔قدرتی حسن سے مالامال گبین جبہ میں نئے سیاحتی زون کے قیام سے اس وادی میں سیاحت کو فروغ ملے گا اور مقامی لوگوں کے لیے روزگار کے نئے مواقع بھی پیدا ہونگے ۔