بھارت کوشرمندگی اٹھانا پڑگئی،پاکستان کا بدلہ نیوزی لینڈ نے لے لیا

آکلینڈ:بھارت کوشرمندگی اٹھانا پڑگئی،پاکستان کا بدلہ نیوزی لینڈ نے لے لیا ،اطلاعات کےمطابق نیوزی لینڈ نے بھارت سے ٹی ٹوئنٹی سیریز کی شکست کا بدلہ لے لیا، دوسرے ون ڈے میں شکست دے کر سیریز دو صفر سے اپنے نام کر لی۔

آکلینڈ میں کھیلے گئے میچ میں نیوزی لینڈ نے پہلے بیٹنگ کرتے ہوئے 8 وکٹوں پر 273 رنز بنائے، تجربہ کار مارٹن گپٹل 79 اور راس ٹیلر 73 رنز بنا کر نمایاں رہے، نکولس نے 41، جیمیسن نے 25 اور بلونڈل نے 21 رنز کی باری کھیلی۔ادھر بھارت کی جانب سے چاہال نے سب سے زیادہ 3 وکٹیں حاصل کیں جب کہ ٹھاکر کے حصے میں 2 اور جڈیجا کے حصے میں ایک وکٹ آئی۔

ہدف کے تعاقب میں ابتدا سے ہی بھارتی بیٹسمین دباؤ کا شکار رہے اور صرف 96 رنز پر آدھی ٹیم پویلین لوٹ گئ، جس کے بعد لیر اور جڈیجا نے نصف سنچریاں بنا کر ٹیم کو مکمل تباہی سے بچایا تاہم وہ ڈوبتی کشتی کو پار نہ لگا سکے۔لیر نے 52 اور جڈیجا نے 55 رنز کی اننگز کھیلی جبکہ سینی نے 45 اور شوا نے 24 رنز بنائے، نیوزی لینڈ کی جانب سے بینٹ، ساؤتھی، جیمیسن اور گرینڈہوم نے 2،2 وکٹیں حاصل کیں، جمی نیشم نے ایک کھلاڑی کو آؤٹ کیا۔

ہوم ٹیم نے بھارت کو تین میچوں کی ون ڈے سیریز میں 0-2 سے شکست دے کر ٹی ٹوئنٹی کی ہزیمت کا بدلہ چکا دیا، بھارت نے پانچ میچوں کی ٹی ٹوئنٹی سیریز میں کلین سوئپ کیا تھا۔