حقائق کے منافی خبروں کے چیلنج سے نمٹنا نوجوانوں کی اولین ذمہ داری ہے،سپیکر قومی اسمبلی

جھوٹی اور حقائق کے منافی خبروں کے چیلنج سے نمٹنا نوجوانوں کی اولین ذمہ داری ہے, سپیکر قومی اسمبلی

سپیکر قومی اسمبلی راجہ پرویز اشرف نے جھوٹی اور حقائق کے منافی خبروں کے رجحان کو سماجی سالمیت کے لیے انتہائی تباہ کن قرار دیا ہے،بغیر تصدیق کے جعلی خبریں پھیلانا ملک کی سالمیت کے لیے خطرناک ہے۔ سوشل میڈیا کی افادیت کے بارے میں بات کرتے ہوئے انہوں نے کہا کہ نوجوانوں پر فرض ہے کہ وہ سوشل میڈیا پلیٹ فورمز کو ذمہ داری اور دیانتداری کے ساتھ استعمال کریں۔ان خیالات کا اظہار انہوں نے پیر کے روز پارلیمنٹ ہاؤس میں خدمات سرانجام دینے والے انٹرنز سے خطاب کرتے ہوئے کیا۔

سپیکر راجہ پرویز اشرف نے سوشل میڈیا کو منفی پروپیگنڈا پھیلانے کے ہتھیار کے طور پر استعمال کرنے کی حوصلہ شکنی کے لیے نوجوانوں کے اہم کردار کو انتہائی اہم قرار دیا۔دولت مشترکہ کی 65 ویں کانفرنس میں شرکت کے لیے پارلیمانی وفد کے دورے کے خلاف بدنیتی پر مبنی بے بنیاد سوشل میڈیا مہم کا حوالہ دیتے ہوئے سپیکر نے نوجوانوں پر زور دیا کہ وہ سوشل میڈیا کو انتہائی احتیاط اور زمہ داری کے ساتھ استعمال کریں۔ انہوں نے نوجوانوں کو مشورہ دیا کہ وہ پاکستان کو ایک خوشحال اور ترقی یافتہ ملک بنانے کے لیے اپنی صلاحیتوں کو بروئے کار لائیں۔ سپیکر نے کہا کہ پاکستانی نوجوان انفارمیشن ٹیکنالوجی کے اس دور میں بھرپور کارکردگی دکھانے کی تمام صلاحیتیں اور اہلیت رکھتے ہیں۔ انہوں نے نوجوانوں پر پاکستان کو ترقی یافتہ اور خوشحال بنانے کے لیے دن رات محنت اور لگن سے کام کرنے کی ضرورت پر زور دیا۔

سپیکر نے قومی اسمبلی کی ڈائمنڈ جوبلی کی تقریبات اور قومی اسمبلی کے زیر اہتمام منعقد ہونے والے آئی پی یو کے ایشیاء پیسیفک کے SDGs کے حصول پر تیسرے سیمینار میں انٹرنز کے کردار کو بھی سراہا۔ تقریب میں کنوینر SDGs محترمہ رومینہ خورشید عالم اور قومی اسمبلی سیکرٹریٹ کے سینئر افسران اور قومی اسمبلی سیکرٹریٹ میں کام کرنے والے انٹرنز کی ایک بڑی تعداد نے شرکت کی۔

‏جیسا مافیا چاہتا تھا ویسا نہیں ملا ، وسیم بادامی کا پٹرول کی قیمتوں میں اضافے پر تبصرہ

میڈم یہ کہتے ہیں بچے کو نہیں ملے گی،فردوس عاشق اعوان کو بچے نے پکڑ لیا

بے بس عوام:بےحس افسران:ACسیالکوٹ اورفردوس عاشق کےدرمیان ہونے والی نوک جھوک:ویڈیووائرل