امریکی نوجوان مقتول دوست کی لاش کو موٹر سائیکل پر گھمانے لے گئے

ایکواڈور: جنوبی امریکہ میں دوست اپنے مقتول دوست کی لاش کو اٹھا کر موٹرسائیکل پر گھمانے نکل گئے۔

باغی ٹی وی :غیر ملکی خبر رساں ادارے” نیو یارک پوسٹ” کے مطابق ایکواڈور کے منابی صوبے میں 21 سالہ نوجوان ایرک سیڈینو کو ایک جنازے میں جاتے ہوئے 2 ملزمان نے فائرنگ کر کے قتل کر دیا تھاایرک سیڈینو کی آخری رسومات ادا کی جانے لگیں تو ان کے دوستوں نے لاش کو زبردستی تابوت سے نکالا اور موٹرسائیکل پر گھمانے نکل گئے۔ جس کی ویڈیو سوشل میڈیا پر وائرل ہو گئی۔

امریکہ میں ہالی ووڈ اداکارہ نامعلوم افراد کی فائرنگ سے قتل

ویڈیو میں دیکھا جاسکتا ہے کہ مقتول نوجوان کے دوستوں نے لاش کو زبردستی تابوت سے نکالا اور ان کا ایک دوست تابوت کے قریب ہی موٹرسائیکل لے آیا جس پر وہ لاش رکھ کر گھومنے نکل پڑے۔ موٹرسائیکل چلانے والے شخص کے پیچھے لاش کو بٹھا کر دوسرا دوست پیچھے سے پکڑ کر بیٹھ گیا۔

نوجوانوں کی اس حرکت پر وہاں موجود افراد نے اپنے اپنے موبائل نکال لیے اور اس عجیب و غریب حرکت کی ویڈیو بنانے لگے۔ رپورٹ کے مطابق مقتول نوجوان کے دوستوں نے تابوت پر نشہ آور مشروبات بھی ڈالے۔

انڈونیشیا: آتش فشاں پہاڑ پھٹنے سے ہزاروں افراد کی نقل مکانی،ہرطرف خوف وہراس

نوجوانوں کا کہنا تھا کہ انہوں نے ایرک سیڈینو کی لاش کو موٹرسائیکل پر گھمانے سے قبل اس کے والدین سے اجازت لی تھی۔

پولیس نےاس اسٹنٹ کو "ایک غیر معمولی اور غیر صحت بخش سرگرمی” قرار دیا لیکن انہوں نے اس پر نہ ہی کوئی ایکشن لیا نہ ہی تحقیقات کیں کیونکہ کسی نے شکایت نہیں کی-

ترک صدر طیب اردگان پر قاتلانہ حملہ ناکام بنادیا گیا