کراچی:ضلع وسطی کے چار مختلف علاقوں میں مائیکرو اسمارٹ لاک ڈاون نافذ

کراچی:ضلع وسطی کے چار مختلف علاقوں میں مائیکرو اسمارٹ لاک ڈاون نافذ، نوٹیفیکیشن جاری

باغی ٹی وی : تفصیلات کے مطابق گلبرگ،نارتھ ناظم آباد، لیاقت آباد اور نارتھ کراچی کے مختلف علاقوں میں مائیکرو اسمارٹ لاک ڈاون نافذ کیا گیا ہے-

نوٹیفیکیشن کے مطابق متاثرہ علاقوں میں 15 جون تک اسمارٹ لاک ڈاون کا نفاذ رہے گا متاثرہ علاقوں میں آنے اور جانے والے تمام افراد کو ماسک پہننا لازمی قرار ،اور متاثرہ علاقوں کے لوگوں کی غیر ضروری نقل و حرکت پر پابندی ہوگی-

نوٹیفیکیشن میں مزید ہدایت کی گئی کہ علاقے میں تمام کاروباری سرگرمیاں مکمل کورونا ایس او پیز کے مطابق ہوں گی اور متاثرہ علاقوں میں فیملی اجتماع پر پابندی ہوگی-

نوٹیفیکیشن کے مطابق متاثرہ علاقوں کے کورونا مثبت افراد اپنے گھروں میں قرنطینہ رہیں گے اور متاثرہ علاقوں میں موٹر سائیکل کی ڈبل سواری پر پابندی ہوگی-