‘عمران خان کے دورہ روس میں تیل اورگیس کی فراہمی پر بات ہوئی لیکن معاہدہ نہیں ہوا’

کراچی :’عمران خان کے دورہ روس میں تیل اورگیس کی فراہمی پر بات ہوئی لیکن معاہدہ نہیں ہوا’،اطلاعات کے مطابق پاکستان کے مرکی شہر کراچی میں تعینات روسی قونصل جنرل آندرے فیدروف نے کہا ہےکہ سابق پاکستانی وزیراعظم عمران خان کے دورہ روس میں گیس اور تیل کی فراہمی سے متعلق بات ضرور ہوئی تھی مگر اس حوالے سے کوئی معاہدہ نہیں ہوا تھا۔

دنیا ہم سےسستے داموں گندم اوراناج لینےکےلیےعالمی منڈیوں تک رسائی دے:روس

میڈیا سےگفتگو کرتے ہوئے کراچی میں تعینات روسی قونصل جنرل نےکہا کہ پاکستان کے موجودہ وزیر خزانہ مفتاح اسماعیل نے بھی تیل کی خریداری سے متعلق بات کی ہے مگر اس حوالے سے روس پر عائد غیرمنصفانہ پابندیاں رکاوٹ ہیں۔

یورپی یونین کی طرف سے تین روسی ٹی وی چینلزپرپابندی:روس بھی جواب دینےکےلیےتیار

پاکستان اور روس کے درمیان تعلقات کے حوالے سے بات کرتے ہوئے کراچی میں تعینات روسی قونصل جنرل کا کہنا تھا کہ مغرب کے دباؤ کے باوجود پاکستان کے ساتھ روس کے تعلقات بہت بہتر ہیں، حکومت پاکستان نے حال ہی میں روس سے 2 ملین ٹن گندم درآمد کرنے کی منظوری دے دی ہے، پاکستان اسٹیل ملز جس کا قیام سوویت یونین کے تعاون سے ہوا تھا، اس کو دوبارہ چلانے میں روسی کمپنیوں کی دلچسپی موجود ہے۔

کراچی میں تعینات روسی قونصل جنرل آندرے فیدروفکا کہنا تھا کہ روس پاکستان میں موجود اسٹیم گیس پائپ لائن پر بھی کام کررہا ہے، یہ معاہدہ نواز لیگ کے دور حکومت میں ہوا تھا جس کی وجہ سے ہمیں امید ہےکہ کام جاری رہےگا۔

روس نے 61 امریکی شہریوں پرسفری پابندیوں کی تصدیق کردی

کراچی میں تعینات روسی قونصل جنرل آندرے فیدروف نے بتایا کہ یوکرین کے خلاف کارروائی سکیورٹی خدشات پرکی گئی، یوکرین کی جنگ میں مغرب یک طرفہ پروپیگنڈا کر رہا ہے، کراچی میں تعینات روسی قونصل جنرل آندرے فیدروف نے کہا ہےکہ آزادی اظہار کے دعویدار مغرب نے روسی میڈیا کی آزادی سلب کی ہے، روس کی معاشی حالت دوسرے کئی ملکوں سے بہت بہتر ہے لیکن یہ بھی حقیقت ہےکہ معاشی پابندی روس کو متاثر کر رہی ہیں۔