اوکاڑہ کی سیاست ماضی اور حال

تحریر۔ ملک ظفر اقبال
یوں تو اوکاڑہ شہر کئی دہائیوں سے اپنی سیاسی شہرت کا ثانی نہیں رکھتا ۔کئی دہائیوں تک اوکاڑہ کے سیاستدانوں کی گونج اسلام آباد اور لاہور کی سیاست میں اپنا لوہا منواتی رہی۔
اوکاڑہ کا سیاسی قد ماضی میں کسی بھی بڑے شہر کے سیاستدانوں سے کم نہیں رہا جسکی مثال ماضی کے وہ درخشندہ ستارے ہیں جن میں کچھ حیات ہیں اور کچھ اس دارفانی سے کوچ کر گئے۔مگر ان کی یادیں ان کی تعمیری سوچوں کا محور ہے۔
اوکاڑہ کی ترقی میں نمایاں مقام رکھنے والے سیاستدانوں میں ایک خوبصورت نام راؤ سکندر اقبال مرحوم کا ہے جو اپنے دور حکومت میں اوکاڑہ کے لیے وہ کام کرگئے شاید آنے والے سیاستدان ان کی تعمیر وترقی اور مثبت انداز فکر کا مقابلہ نہ کر سکیں۔یہی وجہ ہے آج بھی اہل اوکاڑہ ان کے تعمیری کاموں اور اچھی سیاست کی وجہ سے لوگ قدر دان ہیں ،ان کے دورِ حکومت میں ان کے سیاسی مخالفین بھی ان تعمیر وترقی اور مثبت سوچ کی وجہ سے تعریف کرتے تھے۔
اوکاڑہ کی موجودہ سیاست میں چوہدری ریاض الحق جج ایم این اے کا سیاسی قد سب سے بڑا ہے ان کی سوچ بھی مثبت اور عوامی خدمت کا جذبہ رکھتی ہے۔ یہی وجہ ہے کہ اس وقت اوکاڑہ میں چوہدری ریاض الحق جج اپنی مثبت سوچ اور اوکاڑہ کی تعمیر وترقی میں اپنا مثبت کردار ادا کرنے کی وجہ سے اوکاڑہ کے سیاسی پلیٹ فارم پر اپنا ثانی نہیں رکھتے۔
چوہدری ریاض الحق جج کی کامیابی کی سب سے بڑی وجہ ان کے مخلص اور ایماندار ورکر ہیں جو اپنا اپنا کردار اپنے ہردلعزیز رہنما چوہدری ریاض الحق جج کے لیے دن رات عوامی خدمت کو اپنا فرض سمجھتے ہیں اور یہی وجہ کہ چوہدری ریاض الحق جج نے کئی موقعوں پر اپنی کامیابی کا سہرا اللہ تعالیٰ کی ذاتِ اقدس کے بعد اپنے مخلص کارکنوں کے نام کیاہے ۔اگر مخلص کارکنوں کی بات کی جائے تو یقیناً ایک نام اپنے حلقہ کے لوکوں میں سے ملک خالد یعقوب کا آتا ہے جو اپنے لیڈر کے لیے دن رات ایک کئے ہوئے ہیں اور حلقہ کے عوام کے ان کی آواز بن چکے ہیں۔