عمان میں ایک بڑی شاہراہ بند ہو گئی

سلطان آف عمان قابوس بن سعید کی ممکنہ صحار روانگی کے پیش نظر مسقط تا صحار شاہراہ پر ٹریفک معطل

عمان (مسقط) سلطان قابوس بن سعید کی نزوی سے صحار میں ممکنہ روانگی کے باعث مسقط تا صحار شاہراہ پر سیکورٹی میں غیر معمولی اضافہ دیکھا گیا ہے۔ مسقط میں موجود باغی ٹی وی کے رپورٹر کے مطابق آج بروز جمعرات سترہ رمضان المبارک کو سلطان آف عمان قابوس بن سعید کی نزوی میں موجود اپنے محل سے صحار روانگی متوقع ہے۔ جس کے باعث مسقط تا صحار نیشنل ہائی وے پر سیکورٹی فورسز کی بھاری نفری تعینات کی گئی ہے۔ ہر ایک سو میڑ کے فاصلے پر روڈ کے دونوں اطراف سیکورٹی اہلکار چاک و چوبند موجود ہیں۔ جبکہ افطاری کے وقت سے رات گئے تک شاہراہ کی بندش متوقع ہے۔ تا ہم اطرافی سڑکیں بدستور کھلی ہیں اور ان سے تمام آمد رفت بھی جاری ہے۔ یاد رہے کہ ہر سال رمضان المبارک میں سلطان آف عمان براستہ روڈ صحار جاتے ہیں۔ اور رمضان کا آخری عشرہ اور پھر عید الفطر بھی صحار میں ہی گزارتے ہیں۔

1 تبصرہ
  1. Waseem Khan کہتے ہیں

    Ma sha Allah ?

جواب چھوڑیں

آپ کا ای میل ایڈریس شائع نہیں کیا جائے گا.