عمر سرفراز چیمہ نئے گورنر پنجاب مقرر

عمر سرفراز چیمہ کو نیا گورنر پنجاب مقرر کر دیا گیا ہے-

باغی ٹی وی : تفصیلات کےمطابق وفاقی وزیر اطلاعات و نشریات فواد چوہدری کا کہنا ہے کہ عمر سرفراز چیمہ کو نیا گورنر پنجاب مقرر کر دیا گیا ہے۔

عمر سرفراز چیمہ کو نیا گورنر پنجاب مقرر کر دیا گیا ہے

— Ch Fawad Hussain (@fawadchaudhry) April 3, 2022

فواد چوہدری نے سماجی رابطے کی ویب سائٹ ٹوئٹر پیغام ے ذریعے عمر سرفراز چیمہ کو نیا گورنر پنجاب مقرر کرنے سے متعلق آگاہ کیا۔

واضح رہے کہ آج صبح اتوار کو وفاقی حکومت نے گورنر پنجاب چوہدری سرور کو عہدے سے برطرف کردیا تھا وفاقی وزیر اطلاعات و نشریات فواد چوہدری نے سماجی رابطے کی ویب سائٹ ٹوئٹر پر اپنے ٹوئٹ میں کہا کہ وفاقی حکومت نے گورنر پنجاب چوہدری محمد سرور کو ان کے عہدے سے برطرف کر دیا ہے-

وفاقی حکومت نے گورنر پنجاب چوہدری محمد سرور کو ان کے عہدے سے برطرف کر دیا ہے، نئے گورنر پنجاب کا اعلان بعد میں کیا جائیگا، آئین کے مطابق ڈپٹی اسپیکر قائم مقام گورنر ہوں گے

— Ch Fawad Hussain (@fawadchaudhry) April 3, 2022

فواد چوہدری نے بتایا تھا کہ نئے گورنر پنجاب کا اعلان بعد میں کیا جائے گا، آئین کے مطابق ڈپٹی اسپیکر قائم مقام گورنر ہوں گے-

عشائیہ میں وزیراعظم نےاپوزیشن کو سرپرائزدے دیا

دوسری جانب ذرائع کا کہنا ہےکہ وفاقی حکومت نے گورنر پنجاب چوہدری سرور کو پرویز الٰہی کے کہنے پر برطرف کیا ہے چوہدری سرور پنجاب کے وزیراعلیٰ کے انتخاب میں (ن) لیگ کے رہنما حمزہ شہباز کے لیے مہم چلا رہے تھے اور وہ وزارتِ اعلیٰ کے منصب کے لیے پرویز الٰہی کی مخالفت کررہے تھے۔

تحریکِ عدم اعتماد،ارکان قومی اسمبلی کی آمد کا سلسلہ جاری

حکومتی ذرائع کا کہنا ہے کہ چوہدری پرویز الٰہی نے وزیراعظم عمران خان کو ٹیلی فون کرکے شکایت کی جس پر وزیراعظم نےمعاملے کا نوٹس لیتے ہوئےصدر کو گورنر پنجاب کی برطرفی کا حکم جاری کیا-

واضح رہے کہ 33ویں گورنر پنجاب تھے اس سے قبل 2013ء میں پاکستان نواز شریف نے پنجاب کا گورنر چُنا چوہدری سرور نے برطانیہ سے سیاست کی شروعات ان کی سیاست برطانیہ میں کافی فعال تھی تین بار گلاسگو سے برطانوی پارلیمان کے رکن منتخب ہوئے اور 13 سال گلاسگو مرکز کی لیبر پارٹی کی طرف سے نمائندگی کی۔ برطانوی پارلیمان کے پہلے مسلم رکن ہیں۔ ان کے بعد ان کے بیٹے انس سرور اس نشست پر منتخب ہوئے۔ گورنر نامزد ہونے کے بعد چودھری محمد سرور نے دعوی کیا کہ انہوں نے برطانوی شہریت ترک کر دی ہے-

سیاسی گہما گہمی،اسلام آباد کا ریڈ زون سیل،دفعہ 144 نافذ

چوہدری محمد سرور مسلم فرینڈ آف لیبر کے بانی چیئرمین بھی رہ چکے ہیں۔ برطانیہ میں اپنے قیام کے دوران چوہدری سرور پاکستان اور برطانیہ کے درمیان ایک پل کا کردار ادا کرتے رہے چونتیس برس پہلے ٹوبہ ٹیک سنگھ سے برطانیہ منتقل ہونے والے چوہدری سرور کو ہاوس آف کامنز کی تاریخ میں پہلا مسلمان رکن ہونے کا اعزاز بھی حاصل ہے۔

تاہم 2013 میں مسلم لیگ (ن) کی حکومت بننے کے بعد انہیں گورنر پنجاب بنایا گیا بعد ازاں چوہدری سرور نے تحریک انصاف میں شمولیت اختیار کرلی تھی-

چوہدری سرور کو 2018 کے انتخابات میں کامیابی کے بعد گورنر پنجاب بنایا گیا ، اس سے قبل وہ تحریک انصاف ہی کے ٹکٹ پر سینیٹر بھی رہے ہیں گزشتہ کچھ عرصے سے چوہدری سرور پی ٹی آئی حکومت سے نالاں نظر آرہے تھے، کئی مقامات پر انہوں نے اس کا اعتراف بھی کیا تھا کہ حکومت عوام کو ریلیف پہچانے میں ناکام رہی ہے۔

پاکستانی بیرونی مداخلت قبول نہیں‌ کریں گے:یہی وقت احیا:ورنہ سزانسلیں بُھگتیں گی:وزیراعظم