ہماری حکومت نے اوورسیز پاکستانیوں کو ووٹ کا حق دیا جووہ لیکررہیں گے :زلفی بخاری

اسلام آباد :ہماری حکومت نے اوورسیز پاکستانیوں کو ووٹ کا حق دیا جووہ لیکررہیں گے :اطلاعات کے مطابق زلفی بخاری نے کہا ہے کہ انتخابی اصلاحات اور الیکشن پر آگے بڑھنے کی ضرورت ہے۔

پاکستان تحریک انصاف کے رہنما زلفی بخاری نے پریس کانفرنس کرتے ہوئے کہا ہے کہ ہماری حکومت نے اوورسیز پاکستانیوں کو ووٹ کا حق دیا ہے، الیکشن کمیشن سے پوچھتا ہوں کہ وہ ابھی تک اس کو آگے لے کر کیوں نہیں گئے۔

انہوں نے کہا کہ ابھی تک کوئی ٹیکنالوجی کیوں نہیں آئی؟ الیکشن کمیشن اس کو کیوں موخر کررہا ہے، یہ بزدلی، یہ تاخیر کیوں ہے بتایا جائے، اوورسیز پاکستانی کو ووٹ لینے سے پہلے آپ کو اس کیلئے ووٹنگ لسٹ بنانا ہوگی۔

زلفی بخاری نے کہا ہے کہ ابھی تک تو رجسٹریشن بھی نہیں ہوسکی، نا آپ نادرا کو کرنے دے رہے ہیں اور نا ٹینڈر کررہے ہیں، حکومت اور الیکشن کمیشن کو ایک ہی سمجھتا ہوں۔

پاکستان تحریک انصاف کے رہنما نے کہا ہے کہ نادرا ایک بین الاقومی طورپر مانا ہوا ادارہ ہے، اس کو دیدیں یا پھر ٹنڈر کریں، نادرا نے سرکاری طورپر خطوط لکھے ہیں کہ ہمیں کیوں ٹینڈرنہیں دیا جارہا ہے۔

انہوں نے کہا کہ ہم سمجھتے ہیں چیف جسٹس یا ججز گورنر کو ڈائریکشن نہیں دے سکتے، گورنر کہہ رہا ہے کہ میں مطمئن نہیں ہوں، لاء منسٹری اور صدر نے طے کرنا ہے کہ یہ الیکشن قانونی ہے کہ نہیں۔

زلفی بخاری نے کہا ہے کہ صدر مملکت اعتماد کا ووٹ لینے کا کہہ سکتے ہیں، یہ حکومت بڑی کمزورہے، ہمیں الیکشن کی طرف ہی بڑھنا ہے، انتخابی اصلاحات اور الیکشن پر آگے بڑھنے کی ضرورت ہے۔

پاکستان تحریک انصاف کے رہنما نے کہا ہے کہ حکومت نے فیصلہ یہ کرنا ہے زیادہ نقصان کرا کے الیکشن کروانا ہے یا تھوڑا نقصان کرانا چاہیے، اگر الیکشن کمیشن تیارنہیں انتخابات کروانے کیلئے تو الیکشن کمیشن کو گھر بھیج دینا چاہیے۔

انہوں نے کہا کہ اسی لئے ہم کہہ رہے ہیں کہ الیکشن کمشنر کو استعفیٰ دے دینا چاہیے، عمران خان کے بغیر آپ یہ کام نہیں کرسکتے، نورعالم اور راجہ ریاض جیسے لوٹوں سے تو بات نہیں ہوسکتی۔

دوسری جانب وفاقی وزیر اطلاعات فواد چوہدری نے پریس کانفرنس کرتے ہوئے کہا کہ پاکستان میں بجلی اور ڈیزل کا بہت بڑا بحران پیدا ہوچکا ہے، فصل پک چکی ہے اور کسانوں کو ڈیزل نہیں مل رہا۔

انہوں نے کہا کہ بجلی اور ڈیزل کا بحران ان کی بدانتظامی کی وجہ سے ہوا ہے، توانائی کا ان کے پاس وزیر ہی نہیں، انہوں نے فیصلہ کیا کہ ہم پی آئی اے کا بوئنگ 777 جہاز لیں گے اور اس پر سارا پاکستان مفت عمرہ کرنے جائے گا۔

فواد چوہدری نے کہا کہ پہلے یہ اس کو جھٹلاتے رہے پھر لیٹر سامنے آگیا، 60 ہزار ڈالر روزانہ خرچ ہونا تھا اس دورے میں، ان میں ایک آلوگوشت بنانے والا ملازم بھی تھا جس نے ساتھ جانا تھا۔

وفاقی وزیر اطلاعات نے کہا کہ امیرحیدر نے اچھی بات کی کہ عبادت اپنے خرچے پر ہوتی ہے، لوڈشیڈنگ کی وجہ ایل این جی کے دو بڑے معاہدے ڈیفالٹ کرگئے ہیں، اس وجہ سے ایل این جی پاکستان نہیں آیا۔

انہوں نے کہا کہ ہم پچاس ارب روپے کوئلے کے پلانٹس کو دینے جارہے تھے، انہوں نے کوئلے کے پلانٹس کو ادائیگی نہیں کی جس کی وجہ سے لوڈشیڈنگ ہورہی ہے۔

فواد چوہدری نے کہا کہ تحریک انصاف دس سالہ تاریخ کا سب سے بڑا ذخیرہ چھوڑ کرگئی تھی، موجودہ حکومت کے دورمیں چینی اور گھی کی قیمت میں 15 روپے اضافہ ہوچکا ہے۔

وفاقی وزیر اطلاعات نے کہا کہ ڈی اے پی کی قیمت میں 500 روپے اضافہ ہوچکا ہے، اس وقت ان کی سب سے بڑی کوشش حمزہ کو وزیراعلیٰ بنانا ہے، اس وقت ضرورت اس بات کی ہے کہ فوری الیکشن کروایا جائے۔

فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر