پاکستان میں کرونا سے اموات کی مجموعی تعداد 7 ہزار ہو گئی

0
32

باغی ٹی وی کی رپورٹ کے مطابق پاکستان میں کرونا کے وار جاری ہیں،گزشتہ 24 گھنٹوں میں 23 اموات ہوئی ہیں جبکہ 1637 نئے مریض سامنے آئے ہیں

این سی او سی کے مطابق پاکستان میں کرونا سے اموات کی تعداد 7 ہزار ہوگئی ہے جبکہ مریضوں کی مجموعی تعداد 3 لاکھ 46 ہزار476 ہوچکی ہے۔ پاکستان میں کورونا کے 3 لاکھ 19ہزار431 مریض صحتیاب ہوچکے ہیں اور20 ہزار45زیرعلاج ہیں،

سندھ میں کورونا مریضوں کی تعداد 1 لاکھ 50ہزار834 ، پنجاب میں ایک لاکھ7 ہزار329 ،خیبرپختونخوا40 ہزار843، اسلام آباد22ہزار110، بلوچستان16ہزار152، آزاد کشمیر4 ہزار830 اورگلگت میں4ہزار378 مریض سامنے آ چکے ہیں

این سی او سی کے مطابق کورونا وائرس کے باعث پنجاب میں 2 ہزار420 ، سندھ میں 2 ہزار 687 ا، خیبر پختونخوا میں ، ایک ہزار290، اسلام آباد مین 244، بلوچستان میں 154، ‏گلگت بلتستان میں 93 اور آزاد کشمیر میں112 اموات ریکارڈ ہوئی ہیں

نیشنل کمانڈ اینڈ آپریشن سینٹر نے پاکستان میں کورونا وائرس سے بچاؤ کیلئے ماسک پہننا لازمی قرار دے دیا ہے۔ شہری گھروں سے باہر نکلتے وقت ماسک لازمی پہنیں۔ حکومتی اور نجی سیکٹرز کے دفاتر میں کام کرنے والوں کے لیے ماسک پہننا لازم ہوگا۔صوبائی حکومتوں کو ہدایت کی گئی ہے کہ بازاروں، شاپنگ مالز، پبلک ٹرانسپورٹ، ریسٹورنٹس میں ایس او پیز اور ماسک کو لازم قرار دیں۔

دوسری جانب کورونا وائرس کے بڑھتے کیسز کے پیش نظر پنجاب حکومت نے لاہور، ملتان، راولپنڈی کے مختلف علاقوں میں سمارٹ لاک ڈاؤن لگا دیا ہے، جو 19 نومبر تک نافذ رہے گا، نوٹیفکیشن جاری کر دیا گیا۔

پاکستان بھر میں کورونا کی دوسری لہر سے نمٹنے کیلئے لاہور میں نیو مسلم ٹاؤن سی بلاک، اقبال ٹاؤن رضا بلاک، سکندر بلاک اور عمر بلاک میں سمارٹ لاک ڈاؤن نافذ کر دیا گیا۔ متاثرہ علاقوں میں گارڈن ٹاؤن، کیولری گراؤنڈ، ڈی ایچ اے فیز ون اے اور فیز 6 بھی شامل ہیں۔

ملتان کے پانچ علاقوں نقشبند کالونی، گلگشت کالونی، میپکو کالونی، ملتان کچہری اور سعادت کالونی کے علاقوں میں بھی سمارٹ لاک ڈاؤن نافذ کر دیا گیا جبکہ راولپنڈی کے بھی 4 علاقوں میں لاک ڈاؤن رہے گا۔ نوٹیفکیشن کے مطابق سمارٹ لاک ڈاؤن والے علاقوں میں تمام مارکیٹیں صبح 9 بجے سے شام 7 بجے تک کھلی رہیں گی۔

پنجاب میں بھی دوبارہ کرونا کیسز میں اضافہ ہو سکتا ہے، خطرے کی گھنٹی

کرونا پھیلاؤ روکنے کے لئے این سی او سی کا عوام سے مدد لینے کا فیصلہ

کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات

کرونا وائرس لاہور میں پھیلنے کا خدشہ، انتظامیہ نے بڑا قدم اٹھا لیا

معاون خصوصی برائے صحت ڈاکٹر فیصل سلطان نے کہا کہ پاکستان میں کورونا وائرس کی دوسری لہر بتدریج شروع ہو چکی ہے۔ دوسری لہر سے نمٹنے کے لیے ایس اوپیز پر سختی سےعمل کرنا ہو گا۔ احتیاطی تدابیر پرعمل پیرا ہو کر ہم کورونا کی دوسری لہرسے نمٹ سکتے ہیں

Leave a reply