وفاقی وزیر مملکت برائے پیٹرولیم ڈاکٹر سینیٹر مصدق ملک نے کہا ہے کہ روس سے درآمد کیے گئے خام تیل کی ادائیگی چینی کرنسی میں کی گئی جبکہ یہ بات انہوں نے برطانوی خبر رساں ایجنسی روئٹرز سے گفتگو کرتے ہوئے دونوں ممالک کے درمیان ہونے والے معاہدے کی کمرشل تفصیلات نہیں بتائیں تاہم اس بات کی تصدیق کی کہ خام تیل کی قیمت امریکی ڈالر میں نہیں چینی کرنسی میں ادا کی گئی ہے۔
پاکستان مسلم لیگ (ن) کے مرکزی رہنما اور وفاقی وزیر مملکت برائے پیٹرولیم ڈاکٹر سینیٹر مصدق ملک نے کہا ہم نے تیل کی مختلف مصنوعات کو ملا کر دیکھا ہے اور کسی بھی طرح یہ نہیں نظر آیا کہ اس خام تیل کو صاف کرنے سے نقصان ہو گا، ہمیں یقین ہے کہ کاروباری لحاظ سے یہ سود مند سودا ہے۔
کراچی پورٹ ٹرسٹ کے ترجمان نے گزشتہ روز کہا تھا کہ 183 میٹر لمبے روسی جہاز پیور پوائنٹ میں 45 ہزار 142 میٹرک ٹن تیل موجود ہے۔ روس کے تیل بردار جہاز کے پاکستان پہنچنے پر وزیراعظم میاں شہباز شریف نے بھی گزشتہ روز کہا تھا کہ حکومت نے قوم سے کیا ہوا ایک اور وعدہ پورا کر دیا ہے۔
مزید یہ بھی پڑھیں؛
بجٹ کا پیسہ عوام کے مسائل حل کرنے کے بجائے اشرافیہ کی نذر ہوجاتا ہے. کیماڑی جلسہ عام سے خطاب
پاکستان، ایران اورترکیہ کے مابین ریل روڈ نیٹ ورک کا منصوبہ دونوں ممالک کے درمیان تجارت کو بڑھانے میں اہم کردار ادا کرسکتا ہے۔ وزیر اعظم
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
تاہم واضح رہے کہ گزشتہ روز کراچی کی بندرگاہ پہ لنگر انداز ہونے والے روسی بحری جہاز سے اس وقت تیل منتقل کیا جا رہا ہے۔ اسلام آباد اور ماسکو کے درمیان تیل کی خریداری کا معاہدہ حال ہی میں کیا گیا تھا۔ جبکہ یاد رہے کہ پاکستان پیٹرولیم مصنوعات کی برآمدات کی زیادہ تر ادائیگی امریکی ڈالرز میں کرتا ہے لیکن یہ پہلی مرتبہ ہوا ہے کہ تیل کی ادائیگی چینی کرنسی میں کی گئی ہے جو پالیسی شفٹ کا ایک اشارہ بھی ہو سکتا ہے اور یقیناً امریکہ کے لیے دھچکہ بھی ثابت ہو سکتا ہے۔
