پی ڈی ایم لاہور جلسے سے قبل ہو سکتی ہے ن لیگ کی اہم شخصیت کی گرفتاری
باغی ٹی وی کی رپورٹ کے مطابق پی ڈی ایم کے لاہور جلسے سے قبل ادارے ن لیگ کے خلاف متحرک ہو گئے ہیں،ن لیگ کے رہنما رانا ثناء اللہ کی درخواست ضمانت مسترد کرنے کے لئے نیب نے عدالت میں جواب جمع کروا دیا ہے ،اگر عدالت ضمانت کی درخواست مسترد کر دی ہے، تو ن لیگی رہنما گرفتار کئے جائیں گے
نیب نے رانا ثنااللہ کے خلاف آمدن سے زائد اثاثہ جات کا کیس میں جواب جمع کرا دیا
نیب نے لاہور ہائیکورٹ سےرانا ثنااللہ کی درخواست ضمانت مسترد کرنے کی استدعا کر دی،نیب نے عدالت میں جمع کروائے گئے جواب میں کہا کہ رانا ثنااللہ نے قانونی کارروائی میں رکاوٹ کیلئےدرخواست دائر کی ہے، رانا ثنااللہ کے خلاف آمدن سے زائد اثاثوں کی 3شکایات موصول ہوئیں
شکایات میں رانا ثنااللہ کے خلاف بے نامی دار اور آمدن سے زائد اثاثوں کا الزام لگایا گیا ،مجاز اتھارٹی نے رانا ثنااللہ کے خلاف انکوائری اور انوسٹی گیشن کی منظوری دی،رانا ثنااللہ کو طلبی کے نوٹس جاری کیے گئے اور کبھی بھی ہراساں نہیں کیا گیا،نیب لاہور قانون کے مطابق رانا ثنااللہ کے خلاف تحقیقات کر رہا ہے،رانا ثنااللہ نے اثاثے اگر جائز ذرائع آمدن سے بنائے ہیں تو ثابت کریں،
رانا ثنااللہ کی آمدن سے زائد اثاثوں کے کیس میں درخواست ضمانت پر 16 نومبر کو سماعت ہوگی
نیب کی لاہورہائیکورٹ میں رانا ثنااللہ کےخلاف درخواست سماعت کے لیے مقرر کر دی گئی ہے .جسٹس سرداراحمد نعیم کی سربراہی میں 2رکنی بینچ درخواست پرسماعت کرے گا ،نیب نے 8 ماہ بعدرانا ثنااللہ کا کیس مقرر کرانے کے لیے ہائیکورٹ میں درخواست دائرکی رانا ثنااللہ آمدن سے زائداثاثوں کے کیس میں 25 مارچ سے عبوری ضمانت پرہیں
ن لیگی رہنما رانا ثناء اللہ نے نیب طلبی کے خلاف لاہور ہائیکورٹ میں درخواست بھی دائر کر رکھی ہے،رانا ثناء اللہ کی جانب سے لاہور ہائکورٹ میں دائردرخواست میں موقف اختیار کیاگیا کہ نیب کی جانب سے تحقیقات کیلئے خلاف قانون طلب کیا گیا ہے،انسداد منشیات اورنیب دونوں ادارے وفاق کے زیرسایہ ہیں،نیب انہیں اثاثوں کی تحقیقات کررہا ہے جواے این ایف عدالت نے منجمد کررکھے ہیں، ایک وقت میں دونوں وفاقی ادارے کیسے تحقیقات کر سکتے ہیں,درخواست میں مزید کہا گیا ہے کہ نیب نے اپنے دائرہ اختیار سے تجاوز کر کے شامل تفتیش کیا ہے، درخواست میں عدالت سے استدعا کی گئی ہے کہ عدالت نیب کی جانب سے طلبی کال اپ نوٹسز کو کالعدم قرار دے
رانا ثناء اللہ کی ضمانت منظور، رانا کی اہلیہ اور ن لیگی رہنماؤں نے بڑے سوالات اٹھا دیئے
رانا ثناء اللہ ایک بار پھرمشکل میں پھنس گئے، حکومت نے اب کیا کیا؟ جان کر ہوں حیران
رانا ثناء اللہ نے سینئر صحافی و اینکر پرسن مبشر لقمان کوجیل سے لکھا خط، کیا کہا؟
رانا ثناء اللہ کی ضمانت، شہر یار آفریدی میدان میں آ گئے، بڑا اعلان کر دیا
واضح رہے کہ منشیات کیس میں رانا ثناء اللہ چھ ماہ کے بعد رہا ہوئے تھے منشیات کیس میں رہائی پانے والے رکن قومی اسمبلی ،مسلم لیگ ن پنجاب کے صدر رانا ثنا اللہ نے کہا ہے کہ اس مقدمے کا کوئی سر اور پاؤں نہیں ہے۔ جن حالات میں مجھے جیل میں رکھا گیا، اس کا ذکر نہیں کروں گا۔ میری چھ ماہ بعد ضمانت ہوئی لیکن پورا انصاف نہیں ہوا۔ جن لوگوں نے جھوٹا مقدمہ درج کرایا اللہ کا قہر اور غضب ان پہ نازل ہو ، اگر میں جھوٹا ہوں تو مجھ پہ اللہ کا قہر اور غضب نازل ہو
