جعلی اکاؤنٹ کیس، کون پلی بارگین کرنا چاہتا ہے؟ نیب نے عدالت میں بتا دیا

جعلی اکاؤنٹ کیس، کون پلی بارگین کرنا چاہتا ہے؟ نیب نے عدالت میں بتا دیا

باغی ٹی وی کی رپورٹ کے مطابق احتساب عدالت اسلام آباد میں جعلی اکاؤنٹ کیس، میگا منی لانڈرنگ کیس کی سماعت ہوئی، سابق صدر آصف علی زرداری اور فریال تالپور کیخلاف میگا منی لانڈرنگ کیس کی سماعت احتساب عدالت کے جج اعظم خان نے کی

سابق صدر آصف زرداری علالت کے باعث احتساب عدالت پیش نہ ہوئے،آصف زرداری کی حاضری سے استشنی کی درخواست پیش کی گئی، فریال تالپور سمیت دیگر ملزمان نے عدالت میں حاضریاں لگوائی

جج احتساب عدالت نے استفسار کیا کہ خواجہ انور مجید کہاں ہیں؟ نیب پراسیکیوٹر نے کہا کہ انور مجید کو کراچی سے لانے کیلئے نیب ہیڈ کوارٹرز کو لکھاہے،زین ملک تمام کیسز میں پلی بارگین کرنا چاہتا ہے ، نیب تمام کیسز میں پلی بارگین کی رقم سے متعلق تفصیلات اکٹھی کر رہا ہے،

آصف زرداری کے وکیل نے کہا کہ ہمیں ابھی تک ریفرنس کی کاپیاں فراہم نہیں کی گئی،عدالت ریفرنسز کی کاپیاں فراہم کدنے کی ہدایت دے،

جج احتساب عدالت نے تمام ملزمان کو ریفرنس کی کاپیاں فراہم کرنے کی ہدایت کی،احتساب عدالت نے کیس کی سماعت 3مارچ تک ملتوی کر دی.

احتساب عدالت نے جعلی اکاونٹس کیس میں سابق صدر آصف زرداری کو 12 فروری کو طلب کر لیا، نیب نے سابق صدر کو ضمنی ریفرنس میں ملزم نامزد کیا تھا۔

آصف زرداری کو کچھ ہوا تو حکومت کو نہیں چھوڑیں گے، پیپلز پارٹی کی دھمکی

جیل سے نکلنے کا بہانہ، سیاسی لیڈر ہوتے ہیں بیمار، باغی ٹی وی کی خصوصی رپورٹ

جج ویڈیو، مریم نواز سمیت سب کو ہو گی دس سال قید،نواز کی سزا میں ہو گا اضافہ

جعلی اکاؤنٹس کے ٹھٹھہ واٹر سپلائی ریفرنس پر احتساب عدالت میں سماعت ہوئی، فاضل جج نے سابق صدر آصف علی زرداری کو عدالت طلبی کے نوٹس جاری کر دیئے، آصف زرداری کے ساتھ انچارج نوڈیرو ہاؤس ندیم بھٹو، شریک ملزم اشفاق لغاری کو بھی طلب کیا گیا ہے۔ نوٹسز احتساب عدالت کے جج اعظم خان نے جاری کئے.

جعلی بینک اکاوَنٹس کیس، آصف زرداری کےخلاف ضمنی ریفرنس دائر کردیا گیا،نیب راولپنڈی نے ہریشن کمپنی کیس میں ضمنی ریفرنس نیب کورٹ میں دائر کیا ,نیب راولپنڈی نے ضمنی ریفرنس میں 15 ملزمان کو نامزد کیا،ریفرنس میں ندیم بھٹو، احمد لغاری،علی اکبرابڑو،حسن میمن اوراعجازاحمد شامل ہیں،نامزدملزمان پرٹھٹھہ واٹرسپلائی اسکیم میں خوردبردکا الزام ہے،

نیب کے مطابق ملزمان نےاسکیم کےفنڈجعلی بینک اکاوَنٹس میں منتقل کیے،ہریش کمپنی پارک لین کمپنی کی فرنٹ کمپنی کے طورپرکام کررہی تھی.

واضح رہے کہ آصف زرداری منی لانڈرنگ اور پارک لین ریفرنسز میں 6 ماہ اور 2 دن زیرحراست رہے۔ پمز میں زیر علاج رہے ،جیل حکام کی جانب سے پمز کو سب جیل قرار دیا گیا تھا، آصف زرداری کی رہائی ہسپتال سے ہوئی،

سابق صدر آصف زرداری کو نیب نے اسلام آباد ہائیکورٹ سے ضمانت کی درخواست مسترد ہونے پر گرفتار کیا تھا، آصف زرداری کی ہمشیرہ کو بھی گرفتار کیا گیا تھا نیب کے مطابق آصف زرداری اورفریال تالپورپرسمٹ بینک میں خوردبردکا الزام ہے،ملزمان پرمختلف کمپنیوں کوغیرقانونی طور  پر فنڈز جاری کرنے کا بھی الزام ہے، ریفرنس میں 24 ملزمان نامزد کئے گئے ہیں، نیب نے اسلام آباد کی احتساب عدالت میں ریفرنس دائر کیا ہے.ملزمان پر 2150 ملین روپے کی رقم غیرقانونی طورپرمنتقل کرنے کاالزام ہے

آصف زرداری کی مشکلات کم نہ ہو سکیں، نیب نے بڑا قدم اٹھا لیا

زرداری کی زبان کاٹے جانے میں مبینہ طور پر ملوث نجف مرزا ایک بار پھرمتحرک