اسلام آباد: وزیراعظم عمران خان آج کنونشن سینٹراسلام آباد میں نوجوانوں سے خطاب کریں گے.
باغی ٹی وی : تفصیلات کے مطابق کنونشن سینٹر میں کامیاب نوجوان پروگرام کے 2 سال مکمل ہونے کی تقریب ہوگی وزیراعظم نوجوانوں کو بااختیار بنانے کے حوالے سے مختلف منصوبوں کا اعلان کریں گے۔
وزیراعظم عمران خان نے آج کامیاب جوان سے مستفید ہونے والے نوجوانوں کو کنونشن سنٹر میں بلایا ہے تقریب میں کامیاب نوجوان پروگرام کی 2 سالا کارکردگی رپورٹ پیش کی جائے گی اور وزیراعظم عمران خان آج نوجوانوں کیلئے 4 نئے پروگرامز کا اعلان کریں گے اور نوجوانوں سے خطاب بھی کریں گے۔
آٹھویں نیشنل ورکشاپ بلوچستان کے شرکاء سے خطاب کرتے ہوئے شیخ رشید بڑی بات کہہ گئے
وزیراعظم 137یونیورسٹیز میں 25 لاکھ طلبا کیلئے کامیاب جوان مرکز کا آغاز بھی کریں گے۔ طلبا کو کیریر کونسلنگ، اسکالرشپ ،جاب پلیسمنٹ، بزنس سینٹر کی سہولیات دی جائیں گی-
واضح رہے گزشتہ روز وزیر داخلہ شیخ رشید احمد نے آٹھویں نیشنل ورکشاپ بلوچستان کے شرکاء سے خطاب کیا شیخ رشید نے اس موقع پر کہا کہ بہت جلد بلوچستان میں بھی مکمل امن لوٹ آئے گا اورپھرپاکستان کا ترقی کا سفر بھی تیز ہوجائےگا صوبہ بلوچستان پاکستان کی ترقی کا راستہ ہے صوبے میں سرمایہ کاری کے بے پناہ مواقع ہیں۔
وفاقی وزیرداخلہ شیخ رشید کا کہنا تھا کہ گوادر دنیا کی بہترین گہرے سمندر کی بندر گاہ ہے۔ گوادر بلوچستان کا نقشہ تبدیل کردے گا۔ امن امان کے حوالے سے مجموعی طور پر پاکستان میں پر امن ہے۔ بلوچستان میں جغرافیہ کے حوالے سے امن وامان ایک بڑا چیلنج ہے۔
وزیراعظم عمران خان مان گئے:الیکشن کا اعلان:حکومت خوش ،اپوزیشن پھر بھی پریشان
وزیر داخلہ شیخ رشید نے اس موقع پرکہا کہ سرمایہ کارصرف امن وامان کو دیکھتا ہے ہم نے ساز گار ماحول پیدا کیا ہےپاکستان نے افغانستان میں پائیدار امن کے لئے ایک کلیدی کردار ادا کیا ہےہم نے تقریباً ایک لاکھ افغان شہر یوں کوافغانستان سے نکلنے میں مدد دی
ان کا کہنا تھا کہ پاکستان انسانی ہمدردی کی بنیادوں پر طالبان حکومت کی مدد کررہاہے دنیا کو طالبان حکومت کو وقت دینا چاہیے۔افغانستان کے حالات چند دنوں میں تبدیل نہیں ہوسکتے معاملات مذاکرات سے حل ہونے چاہئیں امن امان کے لئے ہم نے 80 ہزار جانوں کی قربانی دی۔
