fbpx

وزیر اعظم عمران خان نے شہباز شریف کے ہتک عزت کے دعوے کا جواب جمع کروا دیا

سیشن کورٹ :وزیر اعظم عمران خان نے شہباز شریف کے ہتک عزت کے دعوے کا جواب جمع کروا دیا ،وزیر اعظم عمران خان کی جانب سے بیرسٹر علی ظفر نے جواب جمع کروایا-

باغی ٹی وی : تفصیلات کے مطابق عمران خان نے شہباز شریف کی جانب سے دائر دعوی خارج کرنے کی استدعا کر دی کہا کہ رقم کی آفر نواز شریف یا شہباز شریف کی طرف سے ڈائریکٹ نہیں بلکہ کسی کے ذریعے آئی تھی

جواب میں عمران خان نے کہا کہ عمر فاروق نامی شخص نے بتایا کہ آفر ہے، اگر عمران خان پانامہ لیکس کہ پیروی کرنا چھوڑ دیں تو وہ بھاری رقم دینے کو تیار ہیں نواز شریف اور شہباز شریف نے ماضی میں ایک آرمی چیف کو بی ایم ڈبلیو گاڑی دینے کی کوشش بھی کی

وزیر اعظم نے کہا کہ شہباز شریف کی ایک جج کے ساتھ آڈیو ٹیپ بھی منظر عام پر آ چکی ہے شہباز شریف کے الزامات ہتک عزت کے دعوے میں نہیں آتے شہباز شریف نے قانون کے مطابق 60 دن میں کوئی مخصوص نوٹس نہیں بھیجا ۔

عمران خان نے جواب میں لکھا کہ شہباز شریف نے 8 مئی 2017 کو قانونی تقاضے پورے کیے بغیر صرف لیگل نوٹس بھیجا شہباز شریف دو دہائیوں سے سیاسی مخالف ہے، شہباز شریف بدنام کرنے کے لیے خود کئی بیانات دے چکے ہیں ۔

وزیر اعظم نے کہا کہ رشوت کی آفر بارے جیسے بتایا گیا اسی طرح ہی بیان دیا گیا شہباز شریف کی شہرت میرے بیان کے باعث نہیں کسی اور وجہ سے متاثر ہوئی ہو گی شہباز شریف کا دعوی جھوٹا ہے، بنیاد اور حقائق کو مسخ کر کے دائر کیا گیا ہے-

عمران خان نے کہا کہ شہباز شریف سیاسی معاملات کو عدالتوں میں گھسیٹنا چاہ رہے ہیں شہباز شریف کی جانب سے دائر کیا گیا دعوی اس عدالت کے دائرہ اختیار میں نہیں آتا –

عمران خان نے استدعا کی کہ شہباز شریف کے دعوے کو جرمانے کے ساتھ خارج کیا جانے ان سے وکیل کی فیس بھی وصول کی جائے –