وزیر اعظم شہباز شریف نے سجاول کا دورہ کیا اور سیلاب سے متاثرہ علاقوں کا فضائی جائزہ لیا
وزیراعلیٰ سندھ مراد علی شاہ بھی وزیراعظم کے ہمراہ تھے، انہوں نے وزیراعظم شہباز شریف کو امدادی کاموں پر بریفنگ دی چیف سیکرٹری سندھ، ڈائریکٹر جنرل پراونشل ڈیزاسٹر مینجمنٹ اتھارٹی , چیف انجینئر آب پاشی حیدرآباد ڈویژن اور ڈپٹی کمشنر ضلع سجاول نے وزیر اعظم کو سیلاب متاثرین کی مدد اور تباہ شدہ انفراسٹرکچر کی بحالی پر بریفنگ دی
وزیراعظم شہباز شریف کو بریفنگ میں بتایا گیا کہ سیلاب سے فصلیں بڑی سطح پر تباہ ہوئی ہیں،سیلاب سے کئی گھر تباہ،رابطہ سڑکیں ،عام روڈز اور پل شدید متاثر ہوئے ،وزیراعظم اوروزیراعلیٰ سندھ کو سجاول میں بجلی معطلی پر اور بحالی کے امکانات پر بھی بریفنگ دی گئی وزیراعظم شہباز شریف نے متعلقہ حکام کو متاثرین کو امدا دکی بحالی میں تاخیر نہ کرنے کی ہدایت کی،وزیراعظم شہباز شریف کا کہنا تھا کہ ہم سب کے ساتھ ملکر کام کریں گے ،متاثرین کی دادرسی کریں گے سوات اور کالام میں سیلابے ریلے سے ہوٹل،گھر،عمارتیں اور مکانات تباہ ہوئے ہیں امدادی کام تیزی سے جاری ہے ،کوشش ہے متاثرین کی بروقت مدد کریں سندھ میں پانی چاروں طرف پھیلاہوا ہے ،کوئی جگہ خشک نہیں خرم دستگیر بجلی کے مسئلے کے حل تک سندھ میں ہی رہیں گے متاثرین سیلاب کے لیے ہیلی کاپٹرز اور کشتیو ں کے ذریعے امداد فراہم کررہے ہیں شمالی علاقوں میں بھی سیلاب اوربارشوں سے بڑی سطح پر نقصانات ہوئے ہیں،سندھ کے متاثرہ علاقوں کے لیے گزشتہ روز گرانٹ کا اعلان کیا ،سکھراور شدید متاثرہ علاقوں میں امدادی اور میڈیکل کیمپس کے قیام پر این ڈی ایم اے کےمشکورہیں ہمیں ہمت سے کام لینا ہوگا ،مل کر موجودہ صورتحال سے نمٹنا ہوگا سیلاب سے کئی گھر تباہ،رابطہ سڑکیں ،عام روڈز اور پل شدید متاثر ہوئے امدادی کام تیزی سے جاری ہے ،کوشش ہے متاثرین کی بروقت مدد کریں ،بہت انتظام کیا جارہا ہے، ادویات بھی موجود ہیں، پچیس ہزار روپے فی خاندان ہرآفت زدہ علاقے میں انشااللہ پہنچائیں گے38 ارب روپے کی رقم حکومت سب کو تقسیم کرے گی، یہ تقسیم کا نظام بڑے اچھے انداز میں چل رہا ہے باقی صوبوں کو بھی یہ امداد دی جائے گی،صوبے این ڈی ایم اے کے ساتھ مل کر بحالی کے کام کریں،
وزیراعظم شہباز شریف کا کہنا تھا کہ ایک جماعت ایسی سیاست کر رہی ہے جس سے ملک کو ناقابل تلافی نقصان پہنچ سکتا ہے،اس سے بڑی ملک کے ساتھ کوئی سازش نہیں ہوسکتی، ہمیں نوشہرہ کے حوالے سے الرٹ رہنا ہوگا،
دوسری جانب وفاقی وزیر اطلاعات مریم اورنگزیب کا کہنا ہے کہ پاکستان کی تاریخ میں اتنی شدت سے سیلاب پہلے کبھی نہیں آیاسندھ کے بہت سے علاقے سیلاب سے شدید متاثر ہوئے ہیں پاکستان میں ماضی کے مقابلہ میں 190 فیصد زیادہ بارشیں ہوئی ہیں، بلوچستان میں یہ شرح 400 فیصد سے زیادہ اور سندھ میں 480 فیصد سے زیادہ ہے سوات ، مینگورہ اور دیگر علاقوں میں پوری پوری عمارتیں پانی میں بہہ گئیں،لوگوں کے مال مویشی اور املاک کو شدید نقصان پہنچا ہے، پوری قوم مل کر متاثرین کی مدد کرے، اوورسیز پاکستانیز بھی سیلاب زدگان کی مدد میں بڑھ چڑھ کر حصہ لیں، سیلاب زدگان کو مخیر حضرات کی معاونت کی اشد ضرورت ہے، 9999 پر ایس ایم ایس کر کے سیلاب متاثرین کیلئے عطیہ دیا جا سکتا ہے سمندر پار مقیم پاکستانی بھی وزیر اعظم فلڈ ریلیف فنڈ میں آن لائن عطیات جمع کروا سکتے ہیں
سندھ کے صوبائی وزیر اطلاعات شرجیل میمن کا کہنا ہے کہ سیلابی تباہ کاریوں کے باعث پورا ملک متاثر ہے پنجاب، بلوچستان اور سندھ کے بعد خیبرپختونخوا میں قدرتی آفت آئی ہے،کتنے ہی سیاسی اختلافات ہو مگر سیلابی صورتحال پر تمام جماعتوں کے ساتھ کام کرنے کو تیار ہیں،بلاول بھٹو نے ملک بھر میں پیپلزپارٹی کارکنوں سے سیلاب متاثرین کی مدد کرنے کی ہدایت کی سیاست کے لیے بہت وقت ہے مگر اب پورا پاکستان پریشان ہے اس وقت سیلاب متاثرین کی نظریں تمام سیاسی جماعتوں اورمیڈیا پر ہے آئندہ دنوں میں بارش کا جو سسٹم آرہا ہے اس کی بھی اچھی اطلاعات نہیں ہر شخص اس وقت کوشش کر رہا ہے کہ سیلاب متاثرین کو ریسکیو کیا جائے،پوری دنیا سے اپیل ہے اس وقت ہمارا ساتھ دیں،سیلاب اور بارشوں سے سندھ میں 341 افراد جاں بحق ہوئے سیلاب اور بارشوں سے سندھ میں ایک ہزار 90 افرادزخمی ہوئے سیلاب اور بارشوں سے سندھ بھر میں 13 ہزار سے زائد مویشی ہلاک ہوئے سندھ بھر میں 4 لاکھ سے زائد مکانات کو جزوی، 2لاکھ 87 ہزار مکمل تباہ ہو چکے ہیں متاثرین سیلاب کوپی ڈی ایم اے کی جانب سے 89 ہزار سے زائد ٹینٹ دئیے گئے حکومت سندھ نے ٹینٹ کے لیے آڈرز دئیے ہوئے ہیں،حکومت سندھ کی جا نب سے لاکھوں راشن بیگز کا آڈر دیا گیا ہے،کوشش ہے جلد سے جلد متاثرین کو ریلیف فراہم کریں
علاوہ ازیں بلوچستان میں سیلاب سے متاثرہ علاقوں میں ہیلی کاپٹر کے ذریعے امدادی سرگرمیوں شروع کر دی گئی ہے ،ترجمان بلوچستان حکومت کے مطابق وزیر اعلیٰ بلوچستان کی ہدایت پر سبی اوردیگر اضلاع میں 2 ہزار کلوگرام سے زائد راشن پہنچا دیا گیا ہیلی کاپٹر کے ذریعے امدادی سامان کی فراہمی مسلسل جاری رہے گی،
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
سیلاب سے اموات،نقصانات ہی نقصانات،مگر سیاستدان آپس کی لڑائیوں میں مصروف، مبشر لقمان پھٹ پڑے
لک بھر میں بارشوں اور سیلاب سے900 سے زائد افراد جاں بحق ہوئے
بالاکوٹ، آٹھ افراد سیلاب میں بہہ گئے،سوات میں عمارت گرنے کا خوفناک منظر، ویڈیو
پاک فوج نے فلڈ ریلیف ہیلپ لائن قائم کر دی،
