وزیراعظم شہباز شریف اور وزراء کی نااہلی کے لیے دائر درخواست خارج

لاہور ہائیکورٹ نے پاکستان تحریک انصاف کی رہنما عندلیب عباس کی جانب سے وزیراعظم شہباز شریف اور وزراء کی نااہلی کے لیے دائر درخواست خارج کر دی۔

باغی ٹی وی : لاہور ہائیکورٹ میں عندلیب عباس کی درخواست پر اشتہاری ملزمان سے ملاقات پر شہباز شریف اور وزراء کی نااہلی کے لیے درخواست پر سماعت ہوئی-

غیر ملکی سرمایہ کاری کی راہ میں حائل تمام رکاوٹوں کو فوری دور کیا جائے. وزیراعظم

جسٹس شاہد وحید نے درخواست گزار کے وکیل اسد منظور بٹ سے استفسار کیا کہ الیکشن کمیشن کس اختیار کے تحت وزیراعظم کو نااہل کر سکتا ہے، جس پر وکیل نے جواب دیا مجھے وقت دے دیں۔

وکیل کے جواب پرجسٹس شاہد وحید نے برہمی کا اظہار کرتے ہوئے کہا کیا وقت دیں، آپ نے تعطیلات کے دوران کیس کیا، تیاری ہی نہیں کی، آپ نے چھٹیوں میں آفس پر زور ڈال کر یہ پٹیشن لگوائی ہے لیکن آپ کو معلوم ہی نہیں کس قانون کے تحت وزیراعظم یا وزراء کو الیکشن کمیشن نااہل کر سکتا ہے۔

شہباز شریف نے امریکہ اور چین کے درمیان ثالثی کی پیشکش کردی

درخواست گزار کے وکیل اسد منظور بٹ نے عدالت سے استدعا کی کہ مجھے تھوڑا وقت دے دیں، ہم درخواست میں ترمیم کر کے دوبارہ دائر کر دیتے ہیں۔

جسٹس شاہد وحید نے ریمارکس دیئے بہتر ہےکہ آپ درخواست واپس لےکر دوبارہ دائر کریں، آپ کلائنٹ کو گائیڈ کیے بغیر عدالت میں لے آتے ہیں۔

لاہور ہائیکورٹ نے عندلیب عباس کی جانب سے اپیل واپس لینے کی بنیاد پر درخواست خارج کر دی۔

واضح رہے کہ تحریک انصاف کی رہنما عندلیب عباس نے وزیر اعظم شہباز کی نا اہلی کیلئے لاہور ہائیکورٹ سے رجوع کیا تھا درخواست میں اشتہاری ملزمان سے ملاقات پر شہباز شریف اور وزراء کو نااہل کرنے کی استدعا کی گئی تھی-

اسحاق ڈار کی سینیٹر شپ سے نااہلی کی درخواست، فریقین کو جواب جمع کرانے کی ہدایت