یوم تاسیس پروگرام سے پولیس کیک اور صوفے لے گئی، بیرسٹر گوہر

قومی اسمبلی کا اجلاس اسپیکر سردار ایاز صادق کی زیر صدارت ہوا

وزیراعلی خیبرپختونخوا علی امین گنڈا پور کے بھائی اور تحریک انصاف و سنی اتحاد کونسل کے نو منتخب ممبر قومی اسمبلی فیصل امین گنڈا پور نے بطور ممبر قومی اسمبلی حلف اٹھا لیا،اسپیکر نےوزرات پیٹرولیم کے جوائنٹ سیکرٹری کی عدم موجودگی پر برہمی کا اظہار کیا، اسپیکر نے استفسار کیا کہ منسٹری آف پیٹرولیم سے کون ایوان میں موجود ہے،اسپیکر نے وزارت پیٹرولیم کے ڈائریکٹر کو ایوان سے واپس بھیج دیا ،اسپیکر نے کہا کہ جوائنٹ سیکرٹری یہاں کیوں نہیں ہیں؟ آغا رفیع اللہ نے کہا کہ آج بھی کوئی منسٹر موجود نہیں ہے،پارلیمنٹ کی ہی وجہ سے حکومت وجود میں آئی ہے، اسپیکر نے کہا کہ ہم وقت پر اجلاس شروع کریں گے،پیٹرولیم منسٹر کا یہاں موجود ہونا ضروری تھا، اسپیکر نے طارق فضل چوہدری کو ہدایت کی کہ منسٹر صاحب سے کہیں تشریف لائیں،

میاں غوث محمد نے کہا کہ پنجاب میں اس وقت گورننس کا بحران ہے،کسان شوگر مافیا کے ہاتھوں مجبور ہے، کسانوں کا معاشی مسئلہ حل ہونا چاہئے،اسپیکر نے مسئلہ حل کرنے کے لئے میاں غوث محمد کو چیمبر میں آنے کی ہدایت کردی

ریاض فتیانہ نے کہا کہ کل ہمارا توجہ دلاؤ نوٹس وزرات داخلہ سے متعلق تھا، وزیر اطلاعات نے جواب دیا،کل رولز کے مطابق توجہ دلاؤ کو نہیں نمٹایا گیا،پی این آئی ایل اور بی ایل لسٹیں ابھی بھی موجود ہیں،کل کے توجہ دلاؤ نوٹس کو جاری ہونا چاہیے ،وزیر صاحب ہمیں کوئی یقین دہانی کراتے،اسپیکر قومی اسمبلی ایاز صادق نےکہا کہ میں آپ کی نقوی صاحب سے میٹنگ ارینج کراتا ہوں اگر آپ مناسب سمجھیں تو،

حاجی جمال شاہ کاکڑنے کہا کہ میڈیا رپورٹ کے مطابق گیس مہنگی ہو رہی ہے،اس حکومت کا مقابلہ مہنگائی کے ساتھ ہے،اگر یہ رپورٹ صحیح تو یہ حکومت کے خلاف بڑی سازش ہے

انڈس ہائی وے پر ایک سال میں ایک ہزار جانیں ضائع،زرتاج گل پھٹ پڑیں
زرتاج گل وزیر نے کہا کہ این 55 انڈس ہائی وے کے سوا تمام ہائی ویز،موٹرویز ڈبل ہیں،این 55 این 70 پر چار چار فٹ کے گڑھے پڑے ہوئے ہیں،سال میں ایک ہزار انسانی جانیں انڈس ہائی وے پر ضائع ہو جاتی ہیں، اس قاتل روڈ پر ایک ہزار جانیں ضائع ہوتی ہیں،اس سڑک کو دو رویہ کیا جائے، یہ ڈی جی خان کوئٹہ کا رابطہ روڈ ہے، جو ہائی ویز بنائی جاتی ہیں اسلئے کہ سفر جلدی ممکن ہو اور انسان منزل پر پہنچ سکے لیکن اس روڈ پر منزل پر پہنچنے کی بجائے انسان قبر میں پہنچ جاتا ہے، ایک ہزار جانیں اس روڈ پر ایک سال میں ضائع ہوئیں،کون ذمہ دار ہے،

سودی نظام جب تک دور نہیں کریں گے،اس وقت تک معاشی ترقی نہیں ہوسکتی،طاہر اقبال
آسیہ اسحاق نے کہا کہ کراچی میں آٹے کا بحران پہلے ہم دیکھ چکے ہیں،کراچی پانی بجلی گیس سے محروم ہے، کراچی آٹے کا بحران مزید نہیں سہہ سکتا،طاہر اقبال نے کہا کہ سارے معاشی سسٹم کو ٹھیک کرنے کی بات کررہے ہیں،سودی نظام جب تک دور نہیں کریں گے،اس وقت تک معاشی ترقی نہیں ہوسکتی

کسی کی سوچ ہے ملک ڈنڈے پر چلائیں گے تو یہ ملک ڈنڈوں سے نہیں چل سکتا،جمشید دستی
جمشید دستی نے کہا کہ رات سے ہمارے گھروں پر چھاپے شروع ہوگئے ہیں،وزیر داخلہ سے پوچھتا ہوں کتنا ہمیں اور مارو گے،ابھی آپ تھکے نہیں ہیں،محسن نقوی وزیر اعلی پنجاب تھے، ان کی سرپرستی میں سارا ظلم ہوا،گندم ہماری تباہ ہورہی ہے،،ابھی تک کسان کے ساتھ زیادتی ہورہی حکومت ٹس سے مس نہیں ہورہی،ہمیں پاسپوٹ نہیں دیا جارہا ہے،ہم اسمبلی فورم پر بھی احتجاج کریں گے، باہر بھی کریں گے،وزیر داخلہ بتائے ہمارے گھروں پر چھاپے کیوں مارے جارہے ہیں ،آئی جی پنجاب کو لگام دیں، اگر کسی کی سوچ ہے ملک ڈنڈے پر چلائیں گے تو یہ ملک ڈنڈوں سے نہیں چل سکتا،

پنجاب میں رات سے چھاپے، آئی جی پنجاب ٹاؤٹ، عمر ایوب پھٹ پڑے
عمر ایوب خان نے کہا کہ پنجاب کے مختلف شہروں میں دفعہ 144 نافذ کی جارہی ہے،یہاں پر غیر قانونی چیف منسٹر پنجاب موجود ہیں،یہاں پر صرف مسلم ن کی صرف ڈکٹیٹرشپ ہے،یہاں پر جتنے ہمارے ساتھی ہیں لاکھوں ووٹ لے کر آئے ہیں،پنجاب کا آئی جی ایک ٹاؤٹ ہے کرپٹ ہے،ڈپٹی اسپیکر نے ٹاؤٹ لفظ کو حذف کردیا،عمر ایوب نے کہا کہ بہاولنگر واقعے کی جوڈیشل انکوائری ہونی چاہئے،پورے پنجاب میں رات سے چھاپے شروع ہیں، ہم اس کی مذمت کرتے ہیں،فوری یہ پولیس گردی ختم ہو،پر امن ریلیاں نکالیں گی، کسی قسم کی دفعہ 144 کی ضرورت نہیں ہے،بشری بی بی کو ایک چھوٹے سے کمرے میں محصور کیا ہوا ہے،بشری بی بی کو جلد از جلد رہا کیا جائے، وہ بوگس کیس ہے،پنجاب حکومت اور وفاقی حکومت کو تحریک انصاف کے لوگوں کو دیوار سے لگانے کی کوئی ضرورت نہیں،یہ حکومت فارم 47 کی بیساکھیوں پر آئی ہے

سیلاب سے تباہ ہونے والی پرانی قومی شاہراہوں کی مرمت میں ناکامی سے متعلق توجہ دلاؤ نوٹس پیش کیا گیا، توجہ دلاؤ نوٹس نفیسہ شاہ نے پیش کیا،وفاقی وزیر برائے مواصلات عبدالعلیم خان نے جواب میں کہا کہ اس معاملے کو خود بھی مانیٹر کروں گا، سکھر حیدرآباد موٹروے سب سے زیادہ ہماری ترجیح ہوگی،پیپلزپارٹی ایم این اے مہتاب اکبر راشدی نے قومی اسمبلی میں اظہار خیال کرتے ہوئے کہا کہ سندھ میں نیشنل ہائی وے کے روڈز تباہ حال ہیں، اس تباہ حالی کی ایک مثال یہ ہے کہ آپ جیسے ہی رحیم یار خان سے سندھ میں داخل ہوں گے تو آپ کی گاڑی ہچکھولےکھانےلگےگی۔سات سال سے سیوہن کراچی روڈ نہیں بن پارہا۔

یوم تاسیس پروگرام سے پولیس کیک اور صوفے لے گئی، بیرسٹر گوہر
بیرسٹر گوہرنے کہا کہ کل تحریک انصاف کا یوم تاسیس تھا،میں نے بھی ایک فنکشن میں جانا تھا،تحریک انصاف سارے صوبوں میں موجود ہے،ہمارا فنکشن آئین قانون کے مطابق ہونا تھا،وہاں سے اسپیکر صوفوں کو وہاں سے اٹھایا گیا،ہمارا کیک بھی پولیس اٹھا کر لے گئی،ان سے پوچھیں کیوں ہمارے صوفے اور کیک اٹھایا گیا

کونسی کمیٹی اپوزیشن کو جائے گی، کونسی حکومت کو ،ملکر طےکرتے ہیں،سپیکر قومی اسمبلی

متروکہ وقف املاک کی 14 سو47 ایکڑ زمین پر قبضہ ہے،وزیر قانون

عمران خان کی سابق معاون خصوصی کو حکومت میں عہدہ مل گیا

پی ٹی آئی کو ایک اور دھچکا، دوبارہ کروائے گئے انٹرا پارٹی انتخابات پر اعتراض عائد

ضمنی انتخابات میں مریم نواز کا جادو کیسے چلا؟ اہم انکشافات

بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری

ہمارے ورکر رہنما جیل میں ہوں تو کس طرح ملک میں استحکام آئے گا،شبلی فراز