بالی ووڈ اداکار شاہ رخ خان 61 برس کے ہوگئے

بالی ووڈ کے ‘کنگ خان’ شاہ رخ خان 61 برس کے ہوگئے، ساتھی فنکاروں کی جانب سے سالگرہ پر مبارک باد اور نیک تمناؤں کا اظہار کیا گیا۔

پیر 2 نومبر کو شاہ رخ خان کی سالگرہ کے موقع پر بالی ووڈ کی متعدد معروف شخصیات نے سماجی رابطے کی ویب سائٹ انسٹاگرام پر ان کے لیے خصوصی پیغامات جاری کیے اور ان کی فنی صلاحیتوں اور شخصیت کو سراہا۔

شاہ رخ خان کی دیرینہ ساتھی اداکارہ کاجول نے بھی انہیں سالگرہ کی مبارک باد دی۔ دونوں فنکاروں نے ‘بازیگر’، ‘کرن ارجن’، ‘دل والے دلہنیا لے جائیں گے’ اور ‘کچھ کچھ ہوتا ہے’ سمیت کئی کامیاب فلموں میں ایک ساتھ کام کیا ہے۔