قطر کی ثالثی میں مذاکرات، خام تیل 3 فیصد سستا

عالمی منڈی میں خام تیل کی قیمتوں میں پیر کو 3 فیصد سے زائد کمی ریکارڈ کی گئی، جس کی وجہ ایرانی اور قطری حکام کے درمیان مسلسل تیسرے روز ہونے والے مذاکرات ہیں۔ ان مذاکرات کا مقصد ایران پر امریکی اور اسرائیلی جنگ کے خاتمے کے لیے کسی معاہدے کی راہ ہموار کرنا ہے۔

پیر کو گرینچ معیاری وقت کے مطابق صبح 4 بج کر 7 منٹ پر برینٹ خام تیل کے مستقبل کے سودوں کی قیمت 3.68 ڈالر یا 3.2 فیصد کمی کے بعد 109.75 ڈالر فی بیرل ہوگئی، جبکہ امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل 3.43 ڈالر یا 3.3 فیصد سستا ہوکر 100.69 ڈالر فی بیرل پر آگیا۔

برینٹ خام تیل اکتوبر کے اختتام پر 6 ماہ کی بلند ترین سطح پر پہنچ گیا تھا، کیونکہ خدشات تھے کہ امریکی وسط مدتی انتخابات کے بعد واشنگٹن اور تہران کے درمیان کشیدگی دوبارہ بڑھ سکتی ہے