میرا تعارف،شاہد نسیم چوہدری

میں، شاہد نسیم چوہدری، ایک ہمہ جہت، سماجی شعور سے آراستہ اور فکری طور پر متحرک شخصیت ہوں، جس نے اردو ادب، صحافت، انسانی حقوق، زرعی ترقی اور ثقافتی ورثے کے تحفظ کے لیے اپنی توانائیاں وقف کر رکھی ہیں۔ میں قلم کو ضمیر کی آواز اور تحریر کو اصلاحِ معاشرہ کا مؤثر ذریعہ سمجھتا ہوں۔ علم، آگاہی، احساس اور وابستگی میری شخصیت کے بنیادی ستون ہیں، اور جہاں بھی موجود ہوتا ہوں وہاں فہم، شعور اور مقصدیت کی فضا پیدا کرنے کی کوشش کرتا ہوں۔

ادبی و صحافتی خدمات

میری کوشش رہی ہے کہ میرا شمار اُن اہلِ قلم میں ہو جن کی تحریریں محض الفاظ نہیں بلکہ سچائی، احساس اور فکری بیداری کا اظہار ہوں۔ افسانہ ہو یا کالم، تنقید ہو یا طنز و مزاح، سماجی مشاہدات ہوں یا انسانی جذبات،میری تحریریں ایک باخبر ذہن، درد مند دل اور سچے مشاہد کی گواہی دیتی ہیں۔

میرے کالم، فیچر، افسانے اور انٹرویوز پاکستان کے ممتاز قومی اخبارات، جرائد اور معتبر آن لائن پلیٹ فارمز پر باقاعدگی سے شائع ہوتے ہیں۔ سادہ مگر مؤثر، شفاف مگر گہرے اسلوب کے ساتھ میں معاشرتی، تہذیبی اور انسانی مسائل کو گہرائی اور وضاحت کے ساتھ بیان کرنے کی سعی کرتا ہوں۔

میرا قول ہے:

“میں لکھتا نہیں… بس ضمیر چیخ اٹھتا ہے، اور کاغذ پر دہرا ہو جاتا ہے۔”

— شاہد نسیم چوہدری

تنظیمی و سماجی خدمات

میں نے خود کو محض تحریر تک محدود نہیں رکھا بلکہ عملی میدان میں اتر کر مختلف ادبی، صحافتی اور انسانی حقوق کی تنظیموں میں سرگرم کردار ادا کیا ہے۔ میرے سپرد کیے گئے عہدے محض رسمی نہیں بلکہ فکری اور مثبت تبدیلی کی علامت ہیں:

صدر — ورلڈ کالمسٹ کلب، فیصل آباد ڈویژن

مرکزی صدر ــ-- سرزمین ادبی فورم پاکستان

مرکزی صدر — ہیومن رائٹس فاؤنڈیشن

مرکزی صدر -- محافظ پاکستان فورم

ڈائریکٹر — نصرت فتح علی خان اکیڈمی

کونسل ممبر — فیصل آباد پریس کلب

ممبر الیکشن کمیٹی — فیصل آباد پریس کلب

وزیٹینگ لیکچرار -- علامہ اقبال اوپن یونیورسٹی

میری تنظیمی بصیرت نے نوجوان ذہنوں کو سمت دی اور عوامی مکالمے میں وقار، سنجیدگی اور معنویت پیدا کی۔

تعلیمی و پیشہ ورانہ پس منظر

میں ایم ایس سی (آنرز) ایگریکلچر کی ڈگری کا حامل ہوں اور زرعی تحقیق، منصوبہ بندی اور ترقیاتی سرگرمیوں سے وابستہ رہا ہوں۔ ورلڈ بینک، FAO اور اقوامِ متحدہ کے تحت چلنے والے متعدد بین الاقوامی زرعی و دیہی ترقیاتی منصوبوں میں فعال کردار ادا کیا۔

اہم میدانِ عمل:

دیہی ترقی

زرعی اصلاحات

غذائی تحفظ

کسانوں کی تربیت و بہبود

پائیدار زرعی ماڈلز

زرعی سائنس اور ادبی فہم کا یہ نادر امتزاج مجھے میرے ہم عصروں میں ایک منفرد مقام عطا کرتا ہے۔ میرا ایمان ہے کہ زمین سے جڑی حقیقتوں کو قلم کی نوک پر لایا جائے اور کسان کے دل کی دھڑکن کو لفظوں میں ڈھالا جائے۔

صحافتی سفر

2001 میں صحافت کے میدان میں قدم رکھنے کے بعد، آج الحمدللہ مجھے قومی صحافت میں ایک معتبر، سنجیدہ اور باشعور آواز کے طور پر پہچانا جاتا ہے۔2023 سے صرف مدحت رسول پر شاعری شروع کی۔

میں بطور:

صحافی

فیچر رائٹر

انٹرویور

کالم نگار

مداح رسول شاعر

اور ہیومن رائٹس ایکٹیوسٹ

مسلسل متحرک ہوں۔ میرے صحافتی سفر میں زبان کی شائستگی، موضوع کی گہرائی اور نیت کی صداقت ایک ساتھ رواں دواں دکھائی دیتی ہے۔

ٹارگٹ کالمز

مقصد:

پاکستان کے اجتماعی مسائل کی نشاندہی، مظلوم کی آواز اور ایوانوں تک عوامی مؤقف کی رسائی۔

ماٹو:

"جہاں مسئلہ ہو، وہاں قلم کا ٹارگٹ ہو۔"

مظلوم کی خاموشی کی آواز،

اجتماعی مسائل کی نشاندہی،

اور مظلوم کے حق کی ترجمانی۔

قلم کا ہدف اجتماعی شعور، عوامی حق اور مثبت تبدیلی۔

شاہد نسیم چوہدری محض ایک فرد نہیں بلکہ ایک فکری رجحان ہیںایسا رجحان جو قلم، خدمت اور سچ کے ذریعے سماج میں مثبت تبدیلی کا پیامبر ہے۔ میری ادبی بصیرت، تنظیمی قیادت اور زرعی تجربہ ہماری اجتماعی فکری میراث کا حصہ ہے۔

میں خود کو اُن چند افراد میں شامل سمجھتا ہوں جن کی تحریریں قاری کو صرف مطمئن نہیں کرتیں بلکہ اسے بیدار بھی کرتی ہیں۔