پی ٹی آئی نے استعفوں کی تصدیق کیلیے اسپیکر قومی اسمبلی کو خط لکھ دیا

0
25

پاکستان تحریک انصاف نے اپنے ارکان کے استعفوں کی تصدیق کے لئے اسپیکر قومی اسمبلی کو باقاعدہ خط لکھ دیا ہے۔اطلاعات کے مطابق پاکستان تحریک انصاف بڑی مشکلات میں گھری ہوئی اور اسے کوئی سمجھ نہیں آرہی ، شاید یہی وجہ ہے جوسوچتے ہیں وہ الٹ ہوتا ہے ، زمان پارک لاہور میں میڈیا سے بات کرتے ہوئے پاکستان تحریک انصاف کے وائس چیئرمین شاہ محمود قریشی نے کہا کہ اپریل میں جب سازش کے ذریعے مداخلت کے نتیجے میں ہماری حکومت ختم کی گئی تو ہم نے اسمبلی اور نظام سے لاتعلق ہونے کا فیصلہ کیا۔

پشاور زلمی کے سابق کپتان ڈیرن سیمی کا زلمی ہیڈ کوارٹرکا دورہ:پی ایس ایل کی یادیں…

شاہ محمود قریشی نے کہا کہ ارکان اسمبلی کے استعفوں کے حوالے سے انہوں نے اسمبلی کے فلور پر پارٹی فیصلہ بتایا، اس وقت کے ڈپٹی اسپیکر قاسم سوری نے ہمارے استعفے منظور کرکے انہیں الیکشن کمیشن بھجوانے کی ہدایت کی لیکن ایسا نہ ہوسکا۔

رہنما پی ٹی آئی نے کہا کہ موجودہ اسپیکرنے ہمارے استعفوں کی مرحلہ وار منظوری کا حکم صادر کیا، اگر ہم نے اجمتماعی طور پر استعفوں کا اعلان کیا تھا تو استعفے بھی ایک ساتھ ہی منظور کئے جانے تھے لیکن ایسا نہ ہوسکا۔

اینٹی انکروچمنٹ ٹیم پر حملے کا مقدمہ درج،انتہائی مطلوب ملزمان گرفتار

شاہ محمود قریشی نے کہا کہ پارٹی کے وائس چیئرمین اور قومی اسمبلی میں ڈپٹی پارلیمانی لیڈر کی حیثیت سے میں اسپیکر کو استعفوں کی منظوری کے لئے دوبارہ خط لکھ دیا ہے۔ وہ ہمیں بلائیں، ہم اجتماعی طور پر آجائیں گے اور اگر وہ اپنی تسلی کے لئے الگ الگ بلانا چاہتے ہیں تو ہم فرداً فرداً بھی پیش ہوجائیں گے۔

Leave a reply