تبدیلی آگئی ! خواتین کیلئے خصوصی بسیں چلانے کا فیصلہ
![](https://baaghitv.com/wp-content/uploads/2019/09/8a6c1f9d73bdc7ea410840a88f1ff39d.jpg)
لاہور : تبدیلی آگئی ، یہ حکومت جہاں مردوں کےلیے نئے نئے منصوبے پیش کررہی ہے، وہاں پنجاب کے صوبائی وزیر ٹرانسپورٹ کا خواتین کے لیے خصوصی بسوں کے اجراء کا فیصلہ ، آپریٹ بھی خواتین ہی کریں گی، خصوصا طالبات اور ورکنگ وومن کے لیے سہولیات دی جائیں گی۔
ذرائع کے مطابق محکمہ ٹرانسپورٹ نے خواتین کے محفوظ اور آرام دہ سفر کیلئے خصوصی بسوں کے اجراء کا اصولی فیصلہ کیا ہے، ان بسوں کو آپریٹ بھی خواتین کریں گی۔یہ منصوبہ پنجاب میں انقلاب لائے گا
صوبائی وزیر ٹرانسپورٹ جہانزیب خان کھچی نے رکن صوبائی اسمبلی طلعت نقوی سے ملاقات کے دوران گفتگو کرتے ہوئے بتایا کہ محکمہ ٹرانسپورٹ جلد خواتین کی سہولت کیلئے مخصوص بسیں لانچ کررہاہے
صوبائی وزیر ٹرانسپورٹ جہانزیب خان کھچی نے رکن صوبائی اسمبلی طلعت نقوی نے بتایا کہ اس منصوبے میں خواتین خصوصاَ طالبات اور ورکنگ وویمن کیلئے سفری سہولیات میں آسانی مہیا ہو گی۔ خواتین کیلئے مخصوص بسوں کے اجراء کا مقصد ان کو باوقار انداز میں منزل مقصود تک پہنچانا ہے۔