پنجاب میں پولیس افسران کے تبادلے

0
24

پنجاب میں پولیس افسران کے تبادلے

باغی ٹی وی کی رپورٹ کے مطابق پنجاب حکومت نے اضلاع میں کئی افسران کا تبادلے کر دیئے ہیں

پنجاب حکومت نے پولیس سروس گریڈ 20 کے آفیسر ڈی آئی جی آپریشنز لاہور ڈاکٹر محمد عابد خان کو تبدیل کرکے ریجنل پولیس آفیسر گوجرانوالہ، ان کے پیش رو ڈی آئی جی عمران احمر کو تبدیل کر کے او ایس ڈی بنا دیا ہے، انہیں ایس اینڈ جی اے ڈی میں رپورٹ کرنے کی ہدایت کی گئی ہے۔

سٹی پولیس آفیسر فیصل آباد غلام مبشر میکن کو بھی تبدیل کر کے او ایس ڈی بنا دیا گیا ہے جبکہ اے آئی جی ٹریننگ پنجاب پولیس سید علی ناصر رضوی کو تبدیل کر کے سٹی پولیس آفیسر فیصل آباد تعینات کیا کر دیا گیا ہے چیف کوآرڈی نیٹر فار لا اینڈ آرڈر اینڈ سیکیورٹی وزیر اعلی سیکرٹریٹ اختر فاروق اور سٹاف آفیسر ٹو وزیر اعلی پنجاب رانا عمر فاروق کو تبدیل کر کے او ایس ڈی بنا دیا گیا ہے، دونوں کو محکمہ پولیس رپورٹ کرنے کی ہدایت کی گئی ہے

قبل ازیں آئی جی پنجاب راؤ سردار علی خان کی زیر صدارت صوبے میں امن و امان کی صورتحال بارے سنٹرل پولیس آفس میں اہم اجلاس ہوا،اجلاس میں ایڈیشنل آئی جی سی ٹی ڈی، ڈی آئی جی سی ٹی ڈی اور کاؤنٹر ٹیررازم ڈیپارٹمنٹ کے دیگر افسران نے شرکت کی

دوسری جانب ایس ایس پی آپریشنزکیپٹن(ر) مستنصر فیروز نے کہا ہے کہ لاہور پولیس نے عوام کی سہولت کیلئے شہر کے داخلی وخارجی راستوں پر قائم ای پولیس چیک پوسٹوں پر باڈی کیم نصب کرنے کا فیصلہ کیا ہے۔ لاہور پولیس کا یہ اقدام ناصرف امن وامان کا قیام یقینی بنائے گا بلکہ عوام اور پولیس کے درمیان بدسلوکی کے واقعات کی روک تھام بھی ممکن ہوسکے گی۔انہوں نے کہا کہ باڈی کیم کے ذریعے پولیس اہلکاروں کی شہریوں کے ساتھ گفتگو بھی ریکارڈکی جاسکے گی۔

ایس ایس پی آپریشنزمستنصر فیروزنے کہا کہ لاہور پولیس کے اس اقدام سے جرائم پیشہ عناصر کی شناخت، جرائم کے تدارک اور بیخ کنی میں مدد ملے گی۔ لاہور پولیس کا یہ اقدام عوام کے محکمہ پر اعتماد کی بحالی کا باعث ہوگااور شہری کسی بھی واقعہ کی شکایت کا اندراج1787پر کروا سکیں گے۔انہوں نے کہا کہ سینئرپولیس افسران براہِ راست اس اقدام کی مانیٹرنگ کریں گے اورتمام شکایات کے فوری ازالہ کیلئے موقع پراحکامات جاری کئے جائیں گے۔

سابق شوہر نے شراب کی بوتل کے ساتھ جنسی زیادتی کی،ہالی ووڈ اداکارہ پھوٹ پھوٹ کر رو پڑیں

بیوی نے بیٹی اورساتھیوں سے ملکر اپنے شوہر کو بیدردی سے قتل کردیا

شاگرد سے زیادتی کرنے والا معلم گرفتار

Leave a reply