قائمہ کمیٹی خزانہ کا ایف بی آر کی جانب سے ٹیکس دہندگان کو ہراساں کرنے کے معاملے کا نوٹس
سینیٹر سلیم مانڈوی والا کی زیر صدارت خزانہ کمیٹی کا اجلاس بغیر کورم کے شروع ہوا
اجلاس میں بلوچستان میں کسٹمز کے محکمہ میں بھرتیوں کا معاملہ زیربحث آیا،وزیر مملکت خزانہ عائشہ غوث پاشا اجلاس کا حصہ تھیں سینیٹر کامران مرتضیٰ نے بھی اجلاس میں خصوصی شرکت کی ، ممبر کسٹمز ایف بی آر آپریشنز نے کہا کہ اب تک 388 افراد میں سے 13 افراد کو بھرتی کیا گیا ،371ملازمین کی بھرتی کا عمل شروع کردیا گیا ہے، کامران مرتضیٰ نے کہا کہ ڈیلی ویجز اور پرائیویٹ ملازمین کے اعدادوشمار درست نہیں دیئے گئے، پارلیمان کی کمیٹی کے سامنے پہلے غلط جواب دیا گیا اب دوسرا دیا جارہا ہے، ممبر کسٹمر آپریشنز نے کہا کہ ہمارے پاس جیسے معلومات آتی ہیں ہم کمیٹی کے سامنے رکھتے ہیں،ممبر کسٹمز آپریشنز ایف بی آر نے جواب میں ابہام پر کمیٹی سے معذرت کرلی
خزانہ کمیٹی کے اجلاس میں وینٹج کار کی درآمد کے معاملےپر بحث ہوئی،سینیٹر سلیم مانڈوی والا نے کہا کہ کار کی درآمد جاری ایس آر او کے مطابق کی گئی،جن لوگوں نے کاریں درآمد کی ہیں ان کا نشانہ بنایا جارہا ہے، وزیر مملکت عائشہ غوث بخش پاشا نے کہا کہ کابینہ کو سمری بھیجی گئی تھی جسے مسترد کیا گیا ہے، کابینہ نے جس سمری کو مسترد کیاہے وہ دوبارہ نہیں بھیج سکتے،سینیٹر دلاور خان نے کہا کہ کابینہ کو بتایا جائے کہ جس وقت کار درآمد کی گئی اس وقت اجازت تھی، عائشہ غوث بخش پاشا نے کہا کہ کمیٹی اس پر اپنی سفارشات دے کابینہ میں دوبارہ معاملہ اٹھائیں گے،
اجلاس میں ٹیکس کے حوالے سے عدالتوں میں موجود کیسز پر بھی بحث ہوئی،سینیٹ کی قائمہ کمیٹی خزانہ نے کیسز کے التواپر تشویش کا اظہار کردیا ، سینیٹر سلیم مانڈوی والا نے کہا کہ ٹیکس کیسز میں تاخیر سے ایف بی آر محصولات کا نقصان ہورہا ہے، وزارت خزانہ کیسز کا تجزیہ کرے اور تاخیر کی وجوہات سامنے لائے،وزیر مملکت برائے خزانہ عائشہ غوث بخش پاشا نے کہا کہ ایف بی آر سے کیسز سے متعلق تفصیلات طلب کی ہیں کھربوں روپے کے ٹیکس کیسز کی بات ہورہی ہے،ایف بی آر 15 دن میں تفصیلات فراہم کرے گا، کمیٹی نے ایف بی آر کو کیسز کی تفصیلات جمع کرانے کیلئے 15 دن کا وقت دیدیا
عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش
:ہیلی کاپٹر حادثہ ، سوشل میڈیا پر اداروں کیخلاف مہم میں پی ٹی آئی ایکٹوسٹ ملوث نکلے
عارف علوی بھی اپنی غیرجانبداری سے ہٹ کر پارٹی کے چیئرمین عمران خان کے نقش قدم پر چل پڑے
سردار تنویر الیاس کی نااہلی ، غفلت ، غیر سنجیدگی اور ناتجربہ کاری کھل کر سامنے آگئی
سینیٹ کی قائمہ کمیٹی برائے خزانہ کا اجلاس میں ٹیکس دھندگان کو ہراساں کرنے کےمعاملے پر بحث ہوئی، کمیٹی نے ایف بی آر کی جانب سے ٹیکس دہندگان کو ہراساں کرنے کے معاملے کا نوٹس لے لیا، سینیٹر سلیم مانڈوی والا نے کہا کہ ٹیکس فائلرز اور کاروباری طبقے کو اینٹی منی لانڈرنگ قوانین کے زریعے ہراساں کیا جارہا ہے، اینٹی منی لانڈرنگ قانون بنتے وقت اسے ٹیکس مقدمات پر لاگو کرنے کی مخالفت کی تھی،سینیٹر افنان اللہ نے کہا کہ ٹیکس کمشنر کی جانب سے مجھے ہراساں کیا جارہاہے،اس کو معطل یا نوکری سے ہٹایا جائے،ٹیکس کمشنر کا کہنا ہے کہ اس کے خلاف کوئی ایکشن نہیں لے سکتا، چیئرمین کمیٹی نے یہ معاملہ سینیٹ کی استحقاق کمیٹی میں لے جانے کا فیصلہ کیا،اور کہا کہ متعلقہ ٹیکس افسر کی معطلی کا مطالبہ کیا جائے گا، عائشہ غوث بخش پاشا نے کہا کہ اینٹی منی لانڈرنگ پر عمل درآمد فیٹف اور آئی ایم ایف کا مطالبہ ہے،
