ہیلی کاپٹر حادثہ ، سوشل میڈیا پر اداروں کیخلاف مہم میں پی ٹی آئی ایکٹوسٹ ملوث نکلے

0
117

اسلام آباد:ہیلی کاپٹر حادثہ ، سوشل میڈیا پر اداروں کیخلاف مہم میں پی ٹی آئی ایکٹوسٹ ملوث نکلے،اطلاعات کےمطابق معروف صحافی محس بیگ نے اپنے ٹویٹرپیج پرٹویٹ کی ہیں اور ساتھ ہی کہا ہے کہ اس کے پیچھے پی ٹی آئی کے سرگرم کارکنان ملوث ہیں‌

محسن بیگ کہتےہیں کہ فارن فنڈڈ پارٹی کی ملک اور فوج دشمنی بھی واضح ہوگئی لسبیلا ہیلی کاپٹر حادثے کے بعد سوشل میڈیا پر فوج کے خلاف سرگرمِ بھی تحریک انصاف کے یوتھیے نکلے جنھیں اداروں نے گرفتار بھی کرلیا ان کا اعتراف خود اس وڈیو میں دیکھ لیں

محسن بیگ نے اپنے ٹویٹر پیج سے ٹویٹ کرتے ہوئے کچھ ثبوت بھی شیئر کیے ہیں اور ان کا یہ دعویٰ ہےکہ یہ پی ٹی آئی کے سرگرم کارکنان تھے ، محسن بیگ کہتےہیں‌کہ لسبیلا ہیلی کاپٹرحادثے کے حوالے سے مختلف قسم کی قیاس آرائیاں کرنے والے پی تی آئی کے کارکنان تھے ، جس کے خلاف موثر کارروائی ہونی چاہیے

جس منیب نامی نوجوان نے یہ پوسٹ کرنے کی غلطی تسلیم کی ہے اس نے ویڈیو پیغام دیتے ہوئے کہا ہےکہ وہ بعض سوشل میڈیا ایکٹویسٹ سے متاثر ہوگیا تھا اورپھربغیر تحقیق کے منفی پوسٹ کردی جس سے ادارے کو بھی دُکھ پہنچا ہے اور شہدا کے ورثا کو بھی وہ اپنے اس رویے کی معذرت کرتے ہیں اور وعدہ کرتا ہوں کہ آئندہ ایسی حرکت نہیں کروں گا، اس لڑکے کے باپ نے بھی اپنی سستی تسلیم کی ہے اور کہا کہ وہ اپنے بیٹے کی اس قسم کی منفی حرکات کو مانیٹر نہ کرسکا جس کیوجہ سے آج یہ شرمندگی اٹھانی پڑی

یاد رہے کہ ایک طرف قوم اپنے محسنوں کو خراج تحسین پیش کررہی ہے تو دوسری طرف شرپسند عناصرپاک فوج کے شہدا کے بارے میں پراپیگنڈہ کررہے ہیں ، اس پراپییگنڈہ پر سخت وارننگ جاری کرتے ہوئے پاک فوج کی طرف سے اپنے شہدا کو خراج عقیدت پیش کرتے ہوئے کہا گیا ہے کہ ملک وملت کواپنےشہدا پرفخرہے،شرپسند عناصرگمراہی پھیلانےسےبازرہیں:ترجمان پاک فوج نے سوشل میڈیا پر پراپیگنڈہ کرنے والوں کو وارننگ دے دی ،

اطلاعات کےمطابق پاک فوج کے ترجمان ادارے آئی ایس پی آر کی طرف سے سوشل میڈیا پیجز پر پاک فوج کےشہدا کے بارے میں گمراہ کن پراپیگنڈہ کرنے والوں کو احساس ذمہ داری یاد دلاتے ہوئے کہا ہےکہ ہمیشہ سےملک وقوم کو اپنے شہدا پرفخررہا ہے اور یہ شہدا قوم کے احیا کی ضمانت ہوتے ہیں ، پاک فوج کے شہدا کی ایک طویل فہرست ہے ، پاک فوج کے جوانوں اور شاہینوں نے اپنی جانیں نچھاور کرتے ہوئےاس ملک کی سرحد کی حفاظت کی ،

پاک فوج کے ان شہدا نے دہشت گردوں اور ملک وقوم کے دشمنوں کی سازشوں کو ناکام بنایا،

پاک فوج کے ترجمان ادارے کی طرف سے توجہ مبذول کرواتے ہوئے کہا گیا ہے کہ چند دن قبل یعنی یکم اگست کو پاک فوج کے اعلیٰ افسران سیلاب متاثرہ لوگوں کی مدد کے لیے بلوچستان کے دوردراز علاقوں تک پہنچتےرہے ، اس اثنا میں بدقسمتی سے ایک ہیلی کاپٹر حادثے میں پاک فوج کے افسران شہید ہوگئے،اس قومی سانحے پر پوری قوم گہرے غم میں مبتلاہے مگرسوشل میڈیا پرپاک فوج کے ان شہدا کے بارے میں پراپیگنڈہ کیا جارہا ہے ،

 

یہ پر اپیگنڈہ مہم شہدا کے خاندانوں اور مسلح افواج کے رینک اینڈ فائل میں گہرے غم اور پریشانی کا باعث بنی ہے۔ جبکہ پوری قوم اس مشکل وقت میں ادارے کے ساتھ کھڑی ہے، بعض بے حس حلقوں نے سوشل میڈیا پر توہین آمیز اور تضحیک آمیز تبصروں کا سہارا لیا جو ناقابل قبول اور انتہائی قابل مذمت ہے۔

Leave a reply